2025-jıl 10-fevral kúni Qońırat rayonındaǵı Ustyurt gaz qazıp shıǵarıw basqarması baslanǵısh kásiplik awqam shólkeminiń esabat-saylaw konferenciyası hámde jámáát shártnamasınıń dodalawı ótkerildi. Usı konferenciyada Ózbekstan Energetika, neft-gaz sanaatı hám geologiya xızmetkerleri kásiplik awqamı Respublika keńesiniń bólim baslıǵı F.Maxmudov, Federaciyanıń Qaraqalpaqstan Keńesi baslıǵı orınbasarı M.Daniyarov, “Wzbekneftgaz” AJ HR-departamenti eksperti A.Artıkniyazov, “Wzbekneftgaz” AJ birlesken kásiplik awqam komiteti bas qánigesi A.Xamroev hámde basqarma direktorı orınbasarı M.Seytnazarovlar qatnastı.

Jámáátte 754 kásiplik awqam aǵzaları bar bolıp, esabat-saylawdıń dáslepki jıynalısları kárxana cex jámáátlerinde ótkerilip, baslanǵın shólkemniń konferenciyasına delegatlar saylandı. Basqarma jámááti atınan saylanǵan 44 delegat qatnasında ótkerilgen esabat-saylaw konferenciyası júdá qızǵın hám dadalawlarǵa baay boldı.

Konferenciyada dáslep jámáát shartnomasınıń 2024-jıldıń orınlanıwı boyınsha basqarma baslıǵı orınbasarı M.Seytnazarovtıń esabatı tıńlandı. Is beriwshi jıl dawamında xızmetkerlerge miynet shárayatların jaqsılawǵa qaratılǵan bir qansha jumıslar ámelde asırılǵanlıǵı, bárshe xızmetkerler biypul medicinalıq kórikten ótkerilgenligi, xızmetkerlerdiń is stajına qarap xoshametlew, basqıshpa-basqısh oqıtıw, kárxanad biypul awqatlanıw shólkemlestirilgenligi hám arnawlı kiyim-kenshek penen támiynlengenligin sanlardı aytıp ótti.

Óz náwbetinde, kásiplik awqamlarınıń jámáát shártnaması bántleriniń orınlanıwında alıp barǵan jumıslar, ekspertiza komissiyasınıń jámáát shártnaması orınlanıwı boyınsha esabatlardı tıńladı. Konferenciya delegatları tárepinen jámáát shártnamasına kiritiletuǵın qosımsha hám ózgerisler júzesinen usınıslar bildirildi. Usılardan, kásiplik awqam komitetine xızmetkerler ortasında sporttıń ǵalaba túrleri boyınsha jarıslardı turaqlı ótkeriw usınısları bildirildi.

Konferenciyada kásiplik awqam komiteti baslıǵına talabanlar alternativ tárizde kórsetilip, Jumabaev Baxtiyar kásiplik awqam komiteti baslıǵına, basqarma úlken esapshısı A.Abdijamilov kásiplik awqam shólkemi tekseriw komissiyası baslıǵına saylandı.