2026-jıl, 2-aprel, Nókis qalasında, Ózbekstan kásiplik awqamları Qaraqalpaqstan keńesi baslıǵı, «Oliy Majlis faxriy deputatı» hám Qaraqalpakstan Respublikasına miyneti sińgen jaslar ustazı» hurmetli ataqlarınıń iyesi, Joqarǵı Keńes deputatı Jalmenov Ulıkbek Abılevich qatnasında medicina tarawındaǵı jumıs alıp barıp atırǵan hám tálim alıp atırǵan jaslar menen ushırasıw ótkerildi.

Bul ushırasıwda jas qánigeler hám studentler menen tuwrıdan tuwrı sáwbetlesildi, pikir ham usınıslar tıńlandı hámde tarawdaǵı áhmiyetli maselelerdi dodalandı.

Ushırasıw dawamında qatnasıwshılarǵa medicina tarawında jaratılıp atırǵan imkaniyatlar, miynet sharayatların jaqsılaw, jas kadrlardı qollap-quwatlaw boyınsha ámelge asırılıp atırǵan jumıslar haqqında maǵlıwmatlar berildi. Sonıń menen birge, jaslar ózleriniń qızıqtırǵan sorawlarına juwaplar alıp, tarawdaǵı mashqalalar hám usınısların erkin bayan etiw imkaniyatına iye boldı.

Ilaj juwmaǵında jemisli miynet etip atırǵan bir qatar jaslar Húrmet jarlıqlar menen sıylıqlandı.