11-noyabr — Kásiplik awqamları kúniniń rásmiy tán alınıwı múnásibeti menen Ózbekstan bilimlendiriw hám ilim xqzmetkerleri kásiplik awqamı Nókis qalalıq bólimshesi quramındaǵı baslanǵısh kásiplik awqamı shólkemleri aǵzalarınan bir qatar pidayı bilimlendiriw hám ilim xızmetkerleri jemisli miynetleri ushın saltanatlı túrde sıylıqlandı.

Usı jıldıń 7-noyabr kúni Ózbekstan bilimlendiriw hám ilim xqzmetkerleri kásiplik awqamı Nókis qalalıq bólimshesi tárepinen bayram múnásibeti menen iláj shólkemlestirilip, ilájǵa Ózbekstan kásiplik awqamları Federaciyasınıń Qaraqalpaqstan keńesi baslıǵı U.Jalmenov, Qaraqalpaqstan Respublikası Mektepke shekemgi hám mektep bilimlendiriwi  ministrligi bólim baslıǵı R.Tanirbergenov, Nókis qalalıq mektepke shekemgi hám mektep bilimlendiriw bólimi baslıǵı B.Akimov, miynet nuranıylarınan R.Abduraxmanov, Z.Esenbaevlar hám de kásiplik awqamı belsendileri, komitet baslıqları qatnastı.

Iláj dawamında Ózbekstan kásiplik awqamları Federaciyasınıń Qaraqalpaqstan keńesi baslıǵı U.Jalmenov shıǵıp sóylep, barlıq qatnasıwshılardı bayram menen qutlıqlap, olardıń bilimlendiriw tarawında islep atırǵan jumıslarına tabıslar tiledi. Sonday-aq, qatnasıwshılarǵa Ózbekstan kásiplik awqamları Federaciyasınıń baslıǵı, húrmetli Q.M.Rafikovtıń bayram qutlıqlawın oqıp esittirdi.

Bunnan keyin, qutlıqlaw sózlerine Nókis qalalıq mektepke shekemgi hám mektep bilimlendiriw bólimi baslıǵı B.Akimov, miynet nuranıyı Z.Qazaqbaevlar shıǵıp sóylep, bárshe qatnasıwshılardı bayram menen qutlıqlap, aldaǵı jumıslarına jetiskenlikler tiledi.

Sonday-aq, ilajda tarawdıń rawajlanıwına, jas áwladtıń tálim-tárbiyasına múnásip úles qosıp kiyatırǵan bir qatar kásiplik awqamı belsendileri, aldıńǵı kásip iyeleri  Ózbekstan kásiplik awqamları Federaciyasınıń Qaraqalpaqstan keńesiniń “Húrmet jarlıǵı”, Nókis qalası hákiminiń “Húrmet jarlıǵı”, Nókis qalalıq mektepke shekemgi hám mektep bilimlendiriw bóliminiń “Húrmet jarlıǵı” hám de Ózbekstan bilimlendiriw hám ilim xqzmetkerleri kásiplik awqamı Nókis qalalıq bólimshesi keńesiniń “Húrmet jarlıǵı” menen sıylıqlanıp, olarǵa qımbat bahalı estelik sawǵaları saltanatlı túrde tapsırıldı.

Ótkerilgen ilaj kásiplik awqamı belsendileriniń keypiyatına kóterińki keypiyat baǵıshlap, olardıń keleshektegi juwapkershilikli hám maqtanıshlı jumısında jańa kúsh-ǵayrat hám ilham baǵıshladı. Bilimlendiriw hám ilim xızmetkerleri kásiplik awqamı bunnan bılay da hár bir miynetkeshtiń huqıqları menen máplerin qorǵaw, olardıń sociallıq qorǵalıwın kúsheytiw jolında shın kewilden xızmet etiwdi dawam etedi.