Ózbekstan kásiplik awqamları Federaciyasınıń Qaraqalpaqstan Keńesi tárepinen usı jıldıń 11-noyabr kúni Qaraqalpaq mámleketlik universitetinde «11-noyabr – Ózbekstan kásiplik awqamları kúni» bayramına baǵıshlap kásiplik awqamları xızmetkerleri arasında sporttıń kishi futbol túrinen “Ózbekstan kásiplik awqamıları Federaciyasınıń Qaraqalpaqstan Keńesi kubogi” sport jarısı ótkerildi.

Ilajda Ózbekstan kásiplik awqamları Ózbekstan kásiplik awqamları Federaciyasınıń Qaraqalpaqstan Keńesi baslıǵınıń orınbasarı M.Daniyarov, tarawlıq kásiplik awqamları Qaraqalpaqstan Respublikası Keńesi baslıqları, juwaplı shólkemlestiriwshileri qatnasıp, jarıs qatnasıwshılarına áwmetler tiledi.

Kún dawamında sport jarısı qızǵın ótip hám tájiriybeli tóreshiler tárepinen komandalıq esapta utıp shıqqan jeńimpazlardı anıqlandı.

Bunda: “Ózbekstan kásiplik awqamıları Federaciyasınıń Qaraqalpaqstan Keńesi kubogi” ushın ótkerilgen sport jarısında 3-orındı Mámleketlik mákemeler hám jámiyetlik xızmet kórsetiw tarawlıq komandası, 2-orındı Mádeniyat, sport hám turizm tarawlıq komandası, 1-orındı Bilimlendiriw hám ilim tarawlıq komandaları jeńimpaz dep tabıldı.

Komandalıq esapta jeńimpaz bolǵan Bilimlendiriw hám ilim tarawlıq komandasına “Kásiplik awqamı kubogi” hámde túrli nominaciyalar boyınsha, sonıń menen birge, jeńimpaz komandalarǵa diplomlar hám sawǵalar tapsırıldı.