Kásiplik awqamları miynetkeshlerdiń social-ekonomikalıq máplerin qorǵaw menen birge, jas jumısshı-xızmetkerler hám studentlerdiń intellektuallıq potencialın asırıw boyınsha da sistemalı jumıslardı ámelge asırıp kelmekte.

Tap sol maqsette Ózbekstan kásiplik awqamları Federaciyasinıń Qaraqalpaqstan Keńesi tárepinen jas qánigeler arasında “ZAKOVAT” intellektuallıq oyını shólkemlestirildi.

Ózbekstan Respblikasi Ǵárezsizliginiń 34 jıllıǵı hám de Ózbekstan kásiplik awqamları háreketiniń 120 jıllıǵı bayramı qarsańında bolıp ótken belliwde 30 jasqa deyingi jaslardan qáliplesken jámi 7 topar qatnastı.

Juwmaqlawshı nátiyjelerge kóre, 3-orın Bilimlendiriw hám ilim xızmetkerleri jaslarına, 2-orın mádeniyat, sport hám turizm xızmetkerleri jaslarınan ibarat toparına, 1-orın bolsa Mámleketlik mákemeler hám jámiyetlik xızmet kórsetiw xızmetkerleri, yaǵnıy Qaraqalpaqstan Respublikası Ishki isler ministrligi jámáátine násip etdi.

Bellesiw jeńimpazları kásiplik awqamları diplomı hám arnawlı sıylıqlar menen xoshametlendi.