Yosh mehnatkashlar “Zakovat”da jamlandi

Kasaba uyushmalari mehnatkashlarning ijtimoiy-iqtisodiy manfaatlarini himoyalash bilan birga, yosh ishchi-xodimlar va talabalarning intellektual salohiyatini oshirish borasida ham tizimli ishlarni amalga oshirib kelmoqda.

Xuddi shu maqsadda O‘zbekiston kasaba uyushmalari Federatsiyasining Qoraqalpog’iston Kengashi tomonidan yosh mutaxassislar o‘rtasida “Zakovat” intellektual o‘yini tashkil etildi.

O‘zbekiston Respblikasi Mustaqilligining 34 yilligi hamda O‘zbekiston kasaba uyushmalari harakatining 120 yilligi bayrami arafasida tashkil etilgan bellashuvda 30 yoshgacha bo‘lgan yoshlardan tashkil topgan jami 7 ta jamoa ishtirok etdi.

Yakuniy natijalarga ko‘ra, 3-o‘rin Ta’lim va fan xodimlari ishchi yoshlari jamoasiga, 2-o‘rin madaniyat, sport va turizm xodimlari yoshlaridan iborat jamoasiga, 1-o‘rin esa Davlat muassasalari va jamoat xizmati xodimlari, ya’ni Qoraqalpog’iston Ichki ishlar vazirliginig xodimlari jamoasiga nasib etdi.

Musobaqa g’oliblari kasaba uyushmalari diplomi va maxsus sovg’alar bilan taqdirlandilar.