Кəсиплик аўқамлары мийнеткешлердиң социал-экономикалық мəплерин қорғаў менен бирге, жас жумысшы-хызметкерлер ҳəм студентлердиң интеллектуаллық потенциалын асырыў бойынша да системалы жумысларды əмелге асырып келмекте.

Тап сол мақсетте Өзбекстан кəсиплик аўқамлары Федерациясиның Қарақалпақстан Кеңеси тəрепинен жас қəнигелер арасында “ЗАКОВАТ” интеллектуаллық ойыны шөлкемлестирилди.

Өзбекстан Респбликаси Ғəрезсизлигиниң 34 жыллығы ҳəм де Өзбекстан кəсиплик аўқамлары ҳəрекетиниң 120 жыллығы байрамы қарсаңында болып өткен беллиўде 30 жасқа дейинги жаслардан қәлиплескен жəми 7 топар қатнасты.

Жуўмақлаўшы нəтийжелерге көре, 3-орын Билимлендириў ҳәм илим хызметкерлери жасларына, 2-орын мәденият, спорт ҳәм туризм хызметкерлери жасларынан ибарат топарына, 1-орын болса Мәмлекетлик мәкемелер ҳәм жәмийетлик хызмет көрсетиў хызметкерлери, яғный Қарақалпақстан Республикасы Ишки ислер министрлиги жəмəəтине нəсип етди.

Беллесиў жеңимпазлары кəсиплик аўқамлары дипломы ҳəм арнаўлы сыйлықлар менен хошаметленди.