Ёш меҳнаткашлар “Заковат”да жамланди

Касаба уюшмалари меҳнаткашларнинг ижтимоий-иқтисодий манфаатларини ҳимоялаш билан бирга, ёш ишчи-ходимлар ва талабаларнинг интеллектуал салоҳиятини ошириш борасида ҳам тизимли ишларни амалга ошириб келмоқда.

Худди шу мақсадда Ўзбекистон касаба уюшмалари Федерациясининг Қорақалпоғистон Кенгаши томонидан ёш мутахассислар ўртасида “Заковат” интеллектуал ўйини ташкил этилди.

Ўзбекистон Респбликаси Мустақиллигининг 34 йиллиги ҳамда Ўзбекистон касаба уюшмалари ҳаракатининг 120 йиллиги байрами арафасида ташкил этилган беллашувда 30 ёшгача бўлган ёшлардан ташкил топган жами 7 та жамоа иштирок этди.

Якуний натижаларга кўра, 3-ўрин Таълим ва фан ходимлари ишчи ёшлари жамоасига, 2-ўрин маданият, спорт ва туризм ходимлари ёшларидан иборат жамоасига, 1-ўрин эса Давлат муассасалари ва жамоат хизмати ходимлари, яъни Қорақалпоғистон Ички ишлар вазирлигиниг ходимлари жамоасига насиб этди.

Мусобақа ғолиблари касаба уюшмалари дипломи ва махсус совғалар билан тақдирландилар.