2026 jıl 11-noyabr kúni «11-noyabr Ózbekstan kásiplik awqamları kúni» múnásebeti menen Jańa Ózbekstan – Jańa kásiplik awqamları” uranı astanda Nókis aldınǵı kásiplik sheberlik texnikumında miynetkeshler hám jaslar menen usharasıw bolıp ótti.

Ózbekstan transport jol hám kapital qurılıs, qurılıs industriyası xızmetkerleri Qarakalpaqstan Respublikası bólimshesi dizimindegi baslanǵısh kásiplik awqamı shólkemi baslıqları menen ushrasıw ótkerildi.

Ilajda Ózbekstan transport, jol hám kapital qurılıs, qurılıs industriyası xızmetkerleri kásiplik awqamı Qaraqalpaqstan Respublikası Keńesi bólimshesi baslıǵı G.Palwaniyazova, Nókis aldınǵı kásiplik sheberlik texnikumı oqıw isleri boyınsha diretor orınbasarı O.Tileuov hám de kásiplik awqam baslıǵı A.Jusupovalar qatnasıp bársheni bayram menen qızǵın qutlıqladı.

Ózbekstan Respublikasınıń 2020-jıl 23-noyabrdegi “Ózbekstan kásiplik awqamları kúnin belgilew haqqında”ǵi 648-sanlı Nızamına muwapıq, “11-noyabr Ózbekstan kásiplik awqamlari” kúni retinde rásmiy belgileniwi haqqında sóylep, bayram menen barlıq xızmetkerlerdi qızǵın qutlıqladı. Sonıń menen birge, házirgi kúnde el basshımız tárepinen mámleketimizde jaratılıp atırǵan sharayatlarǵa toqtalıp ótti. Ilaj dawamında kásiplik awqamları iskerligi hám de óndiriske tiyisli ámelge asırılıp atırǵan reformalar boyınsha da sóz juritildi.

Sonday aq texnikumda jemisli miynet etip atırǵan bir qatar kásiplik awqamı belsendileri bayram múnásebeti menen húrmet jarlıǵı hám sawǵalar menen sıylıqlandı.