Ózbekstan kásiplik awqamları háreketiniń 120 jıllıǵı, 11-noyabr “Ózbekstan kásiplik awqamları kúni” bayramı múnásibeti menen Nókis qalalıq mektepke shekemgi bilimlendiriw shólkemlerinde miynet etip atırǵan xızmetkerler arasında “KEWILLI STARTLAR” sport jarısı Nókis qalası 31-sanlı ayrım pánlerge qánigelestirilgen ulıwma orta bilim beriw mektebi sport bazasında ótkerildi.

Qızǵın tartıs hám óz-ara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeniske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında jeńimpazlıqtı qolǵa kirgizgen komanda aǵzalarına Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi tárepinen tayarlanǵan diplom hám estelik sawǵaları tapsırıldı.