Usı jıldıń 2-iyul sánesinde Ózbekstan kásiplik awqamları Federaciyası Qaraqalpaqstan Keńesi, Qaraqalpaqstan Respublikası jaslar isleri basqarması hám «Jaslar-keleshegimiz» qorı Qaraqalpaqstan Respublikası filialı menen birgelikte, «Biznes klub» aǵzaları ushın Qońırat rayonında jaylasqan «UZ-KOR GAS CHEMICAL» qospa kárxanasına sayaxat shólkemlestirildi.

Bul kárhána Orta Aziyadaǵı eń iri xám jetekshi polimer ónimlerin islep shıǵırıwshılardan bolıp, onda 1500 qanigeler jumıs alıp barmaqta. Olardıń 70 payızı jaslardan ibarat.

Sayahat barısında jaslar kárhána iskerligi, onda miynetkeshler ushın jaratılgan shárayatlar menen tanıstı.

Sonday-aq jaslar kárhána basshıları hámde usı kárhánanıń kásiplik awqamı baslıǵı menen ushırasıp óz-ara pikir almastı.