Jaslar arasında salamat báseki ortalıǵın qáliplestiriw, olardıń bos waqıtların mazmunlı shólkemlestiriw hám de kibersportqa bolǵan qızıǵıwshılıǵın qollap-quwatlaw maqsetinde Ózbekstan kásiplik awqamları Federaciyası Qaraqalpaqstan Keńesi tárepinen kibersport jarısı shólkemlestirildi.

Bellesiwde túrli tarawlarda jumıs alıp barıp atırǵan jas miynetkeshlerden ibarat 8 topar óz-ara jarısıp, ózleriniń kónlikpeleri, operativ pikirlew hám jámáátlik háreket qılıw qábiletlerin kórsetti.

Qızǵın keshken bellesiw juwmaǵına kóre, «Aymaqlıq elektr tarmaqları» AJ Qaraqalpaqstan aymaqlıq filialı ashıq akcionerlik jámiyeti xızmetkerlerinen ibarat topar jeńimpazlıqtı qolǵa kirgizdi.

Jarıs jeńimpazları hám sıylı orın iyeleri múnásip sıylıqlandı.

Atap ótiw kerek, kásiplik awqamları tárepinen bunday sport ilajlarınıń shólkemlestiriliwi jas miynetkeshlerdiń qábilet hám potencialın ámelge asırıw, olar arasında doslıq ortalıqǵın bekkemlew hám de zamanagóy sport túrlerin ǵalabalastırıwda zárúrli áhmiyetke iye.