Usı jıldıń 7-mart kúni «Qońırat soda zavodı» JShJ qospa kárxanası miynet jámáátiniń jámáátlik shártnaması hám onıń qosımshalarınıń 2021-jılı orınlanıwı boyınsha konferenciya bolıp ótti. Konferenciyada 2021-jılda jámáátlik shártnama onıń qosımshalarınıń orınlanıwı boyınsha kárxananıń bas injeneri B.Xojambergenov, kásiplik awqamı komiteti baslıǵı B.Allayarov hámde tekseriw komissiyası baslıǵı P.Berdimuratovtıń esabatları tıńlandı. Bayanatta kárxananıń islep shıǵarıw, ekonomikalıq, sociallıq salaları tolıq qamrap alındı.

Konferenciyada Ózbekstan kásiplik awqamları Federaciyasınıń Qaraqalpaqstan Keńesi baslıǵı U.Jalmenov sózge shıǵıp mámleketimizde kásiplik awqamları tárepinen alıp barılıp atırǵan jumıslar hám kelesi rejeler haqqında bayanat qıldı.

Konferenciyada kárxana bas injeneri B.Xojambergenov hámde kásiplik awqamı komiteti baslıǵı B.Allayarov islewshilerdi qızıqtırǵan sorawlarǵa juwap berdi.

Delegatlar 2021-jılda jámáátlik shártnaması hám onıń qosımshalarınıń orınlanıwı qanaatlandırarlı dep tawıldı.