Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń qospa qararı tiykarında 2024-jıldıń 28-sentyabr kúni Nókis qalasında jaylasqan  1-sanlı sport mektebinde medicina mákemeleri  xızmetkerleri arasında sporttıń  kishi futbol, shashka, shaxmat, stol tennisi túrleri  boyınsha spartakiada jarısınıń Qaraqalpaqstan Respublikası basqıshı ótkerildi.

Spartakiada jarısınıń Qaraqalpaqstan Respublikası basqıshında medicina  mákemelerinen 18 komanda quramında 245 dan aslam xızmetkerler  qatnastı.

Jarıs juwmaǵında sporttıń kishi futbol túrinen 1-orındı Shımbay rayonlıq medicina birlespesi, II-orındı Taxtakópir rayonlıq medicina birlespesi, III-orındı Kegeyli rayonlıq medicina birlespesi komandaları iyeledi.

Sonday-aq, sporttıń stol tennisi túri boyınsha hayal-qızlar arasında I orındı Nókis qalalıq medicina birlespesi kadrlar bólimi qanigesi L.Alieva, II orındı Tórtkul rayonlıq medicina birlespesi shıpakeri F.Matyakupova, III orındı Qanlıkól rayonlıq medicina birlespesi laborantkası A.Tórebaeva, sporttıń stol tennisi boyınsha erler arasında I orındı Ámiwdárya rayonlıq medicina birlespesi esapshısı A.Yuldashev, II orındı Tórtkul rayonlıq medicina birlespesi shıpakeri A.Xodjaniyazov, III orındı Moynaq rayonlıq medicina birlespesi shıpakeri S.Eщanov, sporttıń shaxmat túri boyınsha hayal-qızlar arasında I orındı Ámiwdárya rayonlıq medicina birlespesi miyirbiykesi M.Dawletbaeva, II orındı Shımbay rayonlıq medicina birlespesi miyirbiykesi R.Sultashova, III orındı Kegeyli rayonlıq medicina birlespesi miyirbiykesi G.Qádirimbetova, sporttıń shaxmat túri boyınsha erler arasında I orındı Ámiwdárya rayonlıq medicina birlespesi shıpakeri J.Erimbetov,  II orındı Ellikqala rayonlıq medicina birlespesi bas shıpakeri X.Durdiev, III orındı QR densawlıqtı saqlaw ministrligi qánigesi M.Eskabulov, sporttıń shashka túri boyınsha hayal-qızlar arasında I orındı Qanlıkól rayonlıq medicina birlespesi miyirbiykesi N.Uzaqbaeva, II orındı Taxtakópir rayonlıq medicina birlespesi shańaraqlıq poliklinikası ámeliyatshısı M. Abdireymova, III orındı Kegeyli rayonlıq medicina birlespesi miyirbiykesi G.Ajimuratova, sporttıń shashka túri boyınsha erler arasında I orındı Tórtkul rayonlıq medicina birlespesi feldsheri X.Rozimbetov, II orındı Nókis rayonlıq medicina birlespesi statisti O.Uteniyazov, III orındı Taxtakópir rayonlıq medicina birlespesi qarawıl N.Tóreniyazovlar iyeledi

Jarıs juwmaǵında jeńimpazlar Qaraqalpaqstan Respublikası densawlıqtı saqlaw ministrligi menen Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń  birgeliktegi tiyisli dárejedegi diplomları, medalları  hám de bahalı sawǵaları menen sıylıqlandı.

Kubok jarısınıń hár bir sport túri boyınsha jeńimpazları usı jıldıń oktyabr ayında Tashkent qalasında ótkeriletuǵın final basqıshında qatnasıw  jollamasın qol kiritti.