Sońǵı jıllarda mámleketimizde kekse áwlad wákillerin sociallıq qorǵaw, olarǵa itibar hám ǵamxorlıqtı kúsheytiw, jasaw sharayatların jaqsılaw, mazmunlı turmıs keshiriwin támiyinlewge qaratılǵan keń kólemli jumıslar ámelge asırılıp, usı jumıslarda kásiplik awqamları da belsene qatnaspaqta.

Kásiplik awqamları tárepinen hár jılı kekselerdi ruwxıy hám materiallıq jaqtan qollap-quwatlaw, xoshametlew, olardıń mádeniy dem alıwların, tariyxıy qala hám ziyarat orınlarına sayaxatların shólkemlestiriw hám sistemadaǵı sanatoriylarda densawlıqların bekkemlew jumısların ámelge asırılmaqta.

Atap aytqanda Qaraqalpaqstan Respublikası aymaǵında jasawshı Nuranıylardı Xorezm walayatındaǵı «Xonqa» sanatoriyasına hámde Tashkent qalasındaǵı «Koxinur» sanatoriyalarına biypul jolamalar berilip, olardıń kewilli dem alıwı shólkemlestirildi.

Sonday-aq Ózbekstan kásiplik awqamları Federaciyası baslıǵı Rafiqov Qudratulla Mirsagatovich usınısı menen Bozataw rayon aymaǵındaǵı jámi 28 nuranıylardı Tashkent qalasındaǵı “CHinobad-Plaza” sanatoriyasında biypul sawalandırıw ushın 27-iyul kúni medicina xızmetkerleri baqlawında Nókis temir jol vokzalınan shıǵarıp salında.
Nuranıylarımızdı sawalandırıwdan tısqarı Tashkent qalasındaǵı dıqqatqa ılayıqlı orınlarına sayahatları hámde mádeniy dem alıw orınlarına alıp barıwları shólkemlestiriledi.