11-noyabr — Ózbekstan kásiplik awqamları kúni múnásibeti menen «Jańa Ózbekstan — jańa kásiplik awqamları» uranı astında jas miynetkeshler arasında «Zakovat» intellektuallıq oyını shólkemlestirildi. Ózbekstan kásiplik awqamları Federaciyası Qaraqalpaqstan Keńesi tárepinen shólkemlestirilgen ilaj Nókis qalasındaǵı Jaslar orayında bolıp ótti. Onda kárxana hám shólkemlerde miynet etip atırǵan jaslardan ibarat 10 topar qatnastı.

Qızǵın keshken jarısta qatnasıwshılar ózleriniń bilim hám qábileti, logikalıq pikirlewi, tapqırlıǵı hám de jámáátlik birge islesiw kónlikpelerin kórsetti. Usı intellektuallıq ilaj jas miynetkeshlerdiń bilim alıwǵa bolǵan qızıǵıwshılıǵın asırıw, intellektuallıq potencialın rawajlandırıw, bos waqıtın mazmunlı shólkemlestiriw hám túrli taraw wákilleri arasında dostana hám de awızbirshilik ortalıǵın bekkemlewge xızmet etti.

«Jańa Ózbekstan — jańa kásiplik awqamları» uranı tiykarında islengen bunday ilajlar jaslardı qollap-quwatlaw, olardıń sociallıq aktivligin asırıw, sonıń menen birge, kásiplik awqamları ómirindegi belsendiligin xoshametlewge qaratılǵan.