Ózbekstan mámleketlik mákemeleri hám jámiyetlik xızmeti xızmetkerleri kásiplik awqamı Qaraqalpaqstan Keńesi tárepinen “2025 jılda kásiplik awqam shólkemlerinde esabat-saylaw jıynalısları hám konferenciyaların ótkeriw tártibi” atamasında usı jıldıń 22 yanvar kúni oqıw seminarı ótkerildi.

Seminarda kásiplik awqam shólkemleriniń 2025 jıldaǵı esabat-saylawların ótkeriw tártipleri, bunda nızamshılıq tiykarları, shólkemlerdiń óz-ara sherikligi hám jámiyetshilik qadaǵalawın kúsheytiw baǵdarları boyınsha hár tárepleme maǵlıwmatlar berildi. Sonıń menen birge, jıynalıslardı nátiyjeli ótkeriw hám demokratiyalıq principlerge ámel etiw dodalandı.

Ilajda kásiplik awqamları iskerliginde ashıqlıq hám áshkaralıqtı támiyinlew, xızmetkerler huqıq hám máplerin qorǵawdaǵı tiykarǵı jónelisler, sonıń menen birge, kásiplik awqamları menen birge islesiwshi shólkemler arasındaǵı awızbirshilik máselelerine itibar qaratıldı.

Seminarda baslanǵısh kásiplik awqam jetekshileri hám belsendileri qatnastı.