11 noyabr — Ózbekstan kásiplik awqamları kúni bayramı qabatında usı jıldıń 5-noyabr kúni “Taqıyatas JES” AJde Senator, Ózbekstan kásiplik awqamları Federaciyasınıń  Qaraqalpaqstan keńesi baslıǵı U.A.Jalmenov hám kásiplik awqamları belsendeleri menen birgelikte stanciyanıń jumısshı –xızmetkerleri menen ushırastı hámde stanciya iskerligi menen tanıstı.

“Taqıyatas JES” AJ bas direktorı F.Xalilaev hám kásiplik awqamı komiteti baslıǵı K. Abdullaevlar kelgen miymanlardı stanciya iskerligi menen tanıstırdı.

Kárxanada miynetkeshlerdiń sociallıq-ekonomikalıq mápleri hám miynet salasındaǵı huqıqları is beriwshi hám de kásiplik awqam komiteti sociallıq sherikliginde bekkem qorǵawǵa alınǵan. Bunı 827 jumısshı-xızmetker miynet etip atırǵan “Taqıyatas JES”AJ kásiplik awqam komiteti jumıslarınıń mısalında ayqın kóriw múmkin.

Stanciyanıń cexlarında jumıs alıp barıwshı cex baslanǵısh kásiplik awkam komitetleri baslıqları (olar 10 adam ) ushın jańa qabıl etilgen jámáát shártnaması boyınsha, cexlardan saylanǵan 14 wákil ushın miynet qáwipsizligi boyınsha oqıw -seminarları shólkemlestirildi.

“Ózbekston – 2030” strategiyasını “Jaslar hám  biznesti qollap-quwatlaw jılı”nda ámelge asırıw baylanıslı mámleketlik baǵdarlamasın orınlawın támiyinlew boyınsha 2024 -jıl 10 ay dawamında islewshilerdi sociallıq korǵaw maqsetinde  hár jılı gúzgi-qısqı máwsimi ushın azıq-awqat rezervı ushın kárxana qarjı esabınan eń kem aylıq is-haqınıń 2 esesi muǵdarında pul kárejetleri berlidi Yubiley sánesine jetken xızmetkerlerdi qollap-quwatlaw maqsetinde usı jıl 16 veteranlarǵa materiallıq járdem ajıratılıp hám qımbat bahalı sıylıqlar berildi, 44 veteranlarǵa, mútáj mayıplıǵı bolǵan shańaraqlarǵa azıq-awqat ónimleri tapsırıldı, 61 islewshilerge den sawlıǵın qayta tiklew ushın materiallıq járdemler berildi.

2024-jılda  kárxanada islep atırǵan 158 islewshi hám  olardıń ata-anaları den sawlıǵın tiklew maqsetinde  “Kristal Resort” dem alıw orınǵa biypul jiberildi. Sonıń menen birge, sanatoriyalarǵa 25 islewshi hám olardıń ata-analarına jollamalar berildi.

2024-jıl balalardıń jazǵı dem alıw máwsimin Qaraqalpaqstan aymaǵında“Aq keme” hám Tashkent wálayatında jaylasqan “Ǵazalkent” balalar dem alıw orayında 87 islewshilerdiń  perzentleri dem aldırıldı.

Sonıń menen birge kásiplik awqam komiteti is-jobasına muwapıq mámleketimizde keń belgilenetuǵın  bayramlar qabatında zavodta islewshiler hám olardıń shańaraq aǵzaları arasında shaxmat, shashka, milliy gúres, tas kóteriw, arkan tartıw, voleybol, futbol, shańaraqlıq sport, basketbol, stol tennisi boyınsha jarıslar shólkemlestirildi.

Sonday-aq, islewshiler arasında quwnaqlar hám ziyrekler kórik tańlawı ótkerildi.

Ushırasıw dawamında stanciyanıń bir qatar miynetkeshlerge Ózbekstna kásiplik awqamları Federaciyasınıń “Húrmet jarlıq”ları tapsırıldı.