2024-jıldıń 22-aprel kúni Ózbekstan kásiplik awqamları Federaciyasınıń Qaraqalpaqstan Keńesi tárepinen 28-aprel «Pútkil dúnya júzilik miynetti qorǵaw kúni»ne baǵıshlanǵan “Íqlım ózgeriwiniń miynet qáwipsizligine hám gigienasına tásiri” atamasında is-ilajlar ótkerildi.

Xalıqaralıq miynet shólkeminiń baslaması menen 2003-jıldan berli dástúrge aylanıp hár jılı nıshanlanıp kiyatırǵan bul ilajlar, dúnya jámiyetshiligin úlken mashqalaǵa, yaǵnıy óndiris penen baylanıslı júz berip atırǵan baxıtsız hádiyselerdi, kásip keselliklerine ushırawdıń aldın alıw, ıqlım ózgeriwi sebepli óndiris penen baylanıslı júz beriwi múmkin bolǵan hár qanday unamsız jaǵdaylardıń aldın alıw hám miynetti qorǵaw máselelerine itibardı kúsheytiwge qaratıp kelmekte.

Házirgi waqıtta Xalıqaralıq Miynet Shólkemine aǵza bolǵan hár bir mámleket «Íqlım ózgeriwiniń miynet qáwipsizligine hám gigienasına tásir» etiwin álle qashan ańlap jetti. Sebebi jumıs orınlarındaǵı joqarı temperatura júrek-qan tamır hám dem alıw sisteması keselliklerinen ólimge alıp keliwi múmkin. Íqlım ózgeriwi sebepli xızmetkerler ıssılıq stressı, ódiris penen baylanıslı jaraqatlarǵa ushırawı hám miynet ónimdarlıǵınıń páseyip ketiwi qáwipine alıp keliwi múmkin. Bul, ásirese, ashıq hawada yaki ıssı xanalarda jumıs isleytuǵın miynetkeshler ushın qáwipli esaplanadı.

Jumıs orınlarında qáwipsizlikke iye bolǵan miynet shárayatları bul – qáwipsiz hám salamat shárayatlarına bolǵan huqıq basshılıǵı hám xızmetkerler tárepinen qádirleniwi hám olardıń qoshametlentiriliwi.

Barlıq táreplerdiń miynet qáwipsizligi hám gigienasın turaqlı jaqsılawdaǵı qatnası – Íqlım ózgeriwiniń miynet qáwipsizligi hám gigienası jolındaǵı nátiyjeli háreketin sáwlelendiredi.

Global rawajlanıw processi aldımızǵa jańa wazıypalardı qoyıp atır.

Biz salamat ortalıqtı jaratqan jaǵdayda, xızmetkerler qáwipsiz shárayatlarda miynet etiwine erisiwdi maqset qılǵanbız.