Piyshembi – Jaslar kúni sheńberinde Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi Nókis qalasındaǵı 40-sanlı mektepke shekemgi bilimlendiriw shólkeminde miynet qılıp atırǵan tárbiyashılar qatnasında volontyorlıq akciyası shólkemlestirildi.

Akciya sheńberinde usı shólkemde 35 jıldan artıq miynet iskerligin alıp barǵan, húrmetli miynet veteranı, házirga waqıtta jalǵız jasap atırǵan Yusupova Mehriban úyinen xabar alındı. Sapar dawamında volontyorlar tárepinen úyde tazalaw hám abadanlastırıw jumısları ámelge asırıldı. Sonıń menen birge, kásiplik awqamları tárepinen mehribanlıq hám itibar belgisi sıpatında M.Yusupovaǵa azıq-awqat ónimleri tapsırıldı.

Sonday-aq, volontyorlar mektepke shekemgi bilimlendiriw shólkem átirapında abadanlastırıw jumısların alıp barıp, aymaqtı jáne de abat kóriniske keltiriw jumıslarına óz úleslerin qostı.

Belsendilik kórsetken kewilliler húrmet jarlıqlar menen xoshametlendi.

Bunday ilájlar jaslardıń sociallıq belsendiligin asırıw, jası úlken áwlad wákillerine húrmet-itibar kórsetiw, mehir-aqıbet hám awızbirshilik ortalıǵın jáne de bekkemlewge xızmet etdi.