Ózbekstan kásiplik awqamları Federaciyasınıń Qaraqalpaqstan Keńesi Ózine belgilengen wazıypalardı orınlaw boyınsha usı jılı bir qatar jumıslardı ámelge asırdı.

Atap aytqanda, islewshi xızmetkerlerdiń huqıqların qorǵaw, olar ushın salamat turmıs tárizin jaratıw, májbúriy miynettiń aldın alıw, sonday-aq, mádeniy hám ruhıy dem alıwların shólkemlestiriwde kómeklesiw sıyaqlı wazıypalar usılar qatarına kiredi. Qalaberse, sociallıq sherikliklikti keńeyttiriw boyınsha  “Suenli” irrigaciya tarmaǵı basqarması, Qaraqalpaqstan Respublikası Ǵaznashılıq basqarması, Qaraqalpaqstan nasos stanciyaları hám energetika basqarması, “Qaraqalpaq suw támiynatı” akcionerlik jámiyeti, “Qońırat soda zavodı” juwapkershiligi sheklengen jámiyeti qospa kárxanası, Moynaq rayonı hákimligi, Agrosanaat kompleksi xızmetkerleri kásiplik awqamı Moynaq rayonlıq keńesi, Irrigaciya bólimi, rayon abadanlastırıw basqarması, Ellikqala rayonı 18-sanlı kórkem-óner hám muzıka mektebi kásiplik awqamı komitetleriniń 2024-jumısları úyrenilip anıqlanǵan kemshiliklerdi saplastırıw boyınsha ámeliy járdemler berildi.

Bunnan tısqarı Jámáátlik shártnamalardıń orınlanıwına baylanıslı 2-JSh forması boyınsha esabatları jıynalıp, ulıwmalastırıp Ózbekstan kásiplik awqamları Federaciyasına tapsırıldı.

Kárxana hám shólkemlerde jámáátlik shártnamalardı orınlaw boyınsha unamlı kórsetkishlerge erisildi. 2023-jıl juwmaǵı boyınsha 6603 yuridikalıq táreplerde 6603 jámáátlik shártnamalar qabıl etip, yuridikalıq táreplerdiń jámáátlik-shártnamalıq múnásibetler menen qamtılıwı 100 payızdı qurap, olar arqalı 229424 islewshi xızmetkerler belgilengen jeńillikler hám kepilliklerden paydalanǵan. Sonnan Agrosanaat kompleksi kásiplik awqamı xızmetindegi 4343 yuridikalıq táreplerde islewshi 49494,  transport, jol hám kapital qurılıs, qurılıs industriyası tarawındaǵı 98 yuridikalıq táreplerde islewshi 9876, isbilermenlik, biznes hám xızmet kórsetiw tarawındaǵı 337 yuridikalıq táreplerde islewshi 16166, den sawlıqtı saqlaw tarawındaǵı 292 yuridikalıq  táreplerde islewshi  38364, mámleketlik mákemeler tarawındaǵı 152 yuridikalıq táreplerde islewshi 17554, mádeniyat, sport hám turizm tarawında 100 yuridikalıq táreplerde islewshi 7796, energetka, neft-gaz hám geologiya tarawında 7 yurdikalıq táreplerde islewshi 6905, ximiya sanaatı tarawında 2 yuridikalıq táreplerde islewshi 1925, Axborot texnologiyaları hám ǵalabalıq kommunikaciya tarawında 6 yuridikalıq táreplerde islewshi 1714 xızmetkerler jámáátlik shártnamalarda belgilengen jeńillikler hám kepilliklerden paydalanǵan.

Jámáátlik shártnamalar arqalı 2023-jılı hár bir islewshige ortasha sarplanǵan qarjı muǵdarı 5324,6 mıń sumdı quradı.

Qabıl etilgen jámáátlik shártnamalarǵa xızmetkerlerge miynet haqı tólew, ústemeler, qosımsha tólemler hám kompensaciyalar ornatıw tártibin belgilew menen baylanıslı anıq normalar kiritildi. Bunnan tısqarı, bul hújjette miynet qáwipsizligi dárejesin asırıw, jumıs orınlarındaǵı sanitariya-gigiena jaǵdayların jáne de jaqsılaw, xızmetkerlerdi jeke qorǵanıw buyımlar hámde sanitariya-gigiena xanaları menen támiyinlew, jumıs orınları attestaciyasın ótkeriw, miynetti qorǵaw qaǵıydaları boyınsha oqıtıw máselelerine ayrıqsha itibar qaratılǵan. Jumıs hám dem alıw waqıtların tártipke salıw boyınsha kóplegen kárxana hám shólkemlerde tiykarǵı uzaytırılǵan hám qosımsha dem alıslar beriw sisteması jolǵa qoyılǵan.

Sociallıq qorǵawǵa mútáj kem támiyinlengen shańaraklar, mayıplar, hayal-qızlar hám jaslardı materiallıq tárepten qollap-quwatlaw boyınsha Ózbekstan kásiplik awqamları Federaciyası Atqarıw komitetiniń 2024-jıl 04-mart kúngi 12-18 «s» sanlı qararı menen tastıyıqlanǵan “Jaslar hám biznesti qollap-quwatlaw jılı” baǵdarlaması tiykarında 11 ayı dawamında 10417 shaxslarga jámi 4 mlrd. 181 mln. 581 mıń 800 swmlıq materiallıq járdemler hám qollap-quwatlaw jumısları alıp barıldı.

Ózbekstan kásiplik awqamları Federaciyası atqarıw komitetiniń 2024-jıl 5-avgust kúngi “Oraylıq Aziya mámleketleri kásiplik awqamları Keńesi baslaması menen ótkerilip atırǵan “Eń jaqsı sociallıq sherik” tańlawın ótkeriw haqqında”ǵı 12-119 “s” sanlı qararın basshıshıqqa alıp usı jıldın 20-avgust sánesinede Oraylıq Aziya mámleketleri kásiplik awqamları Keńesi baslaması menen ótkerilip atırǵan “Eń jaqsı sociallıq sherik” tańlawı boyınsha Qaraqalpaqstan Respublikası Aymaqlıq basqıshı ótkerildi hámde komissiya sheshimi menen 1-orın Qaraqalpaqstan Respublikası sanitariya-epidemiologiyalıq tınıshlıq hám jámiyet salamatlıǵı basqarmasına, 2-orın Qaraqalpaqstan Respublikası ayrıqsha jaǵdaylar basqarmasına hámde 3-orın Xojeli rayonı abadanlastırıw basqarmasına berildi.

Bunnan tısqarı múrájatlardı kórip shıǵıw boyınsha puqaralardan jámi 64 múrájat kelip tústi. Múrájáátlerdi kórip shıǵıw nátiyjesi boyınsha 30 múrájáát qanaatlandırıldı, 1 múrajat boyınsha mektepke shekemgi hám mektep bilimlendiriw ministrligine, 1 múrájat boyınsha KR Bántlik hám kámbaǵallıqtı qısqarttırıw ministrligine shara kóriw ushın jiberildi, 15 múrajatqa túsindiriwler berildi, 8 múrájáát boyınsha is beriwshisine usınıs kiritildi, 1 múrájat úyreniw barısında qanaatlandırılǵanlıǵı sebepli hámde 1 múrájat múrájatshınıń arzasına tiykar kórmesten qaldırıldı hám 2 múrájat boyınsha sudqa dawa arza kiritildi hámde 5 múrájat házirde is júritiwde. Úyreniwler nátiyjesinde múrájat iyelerine jámi 702 mln. 461 mıń 198 swm is haqıları hámde miynet dem alısları pulları tóletip berildi.

Miynetkeshlerdiń sociallıq-

ekonomikalıq máplerin qorǵaw bólimi