Ózbekstan kásiplik awqamları Federaciyasınıń Qaraqalpaqstan Keńesi miynet inspekciyasınıń, miynet texnik-inspektorı B.Utepbergenov hám miynet huqıq-inspektorı P.Tursinovlar, usı jıldıń I-shereginde Ózbekstan temirjolshıları hám transport qurıwshıları kásiplik awqamına aǵza «Qońırat aymaqlıq temir jollar uzeli» (Qońırat ATU) UKda islewshi xızmetkerlerge múnásip miynet shárayatların jaratıw hámde miynet múnásibetlerine tiykar normativ-huqıqıy hújjetlerge ámel etiw tarawındaǵı jumıslarınıń jaǵdayın úyreniw boyınsha monitoringi ótkerildi.

Úyreniwler jumıs orınlarında miynetti qorǵaw boyınsha búgingi kúndegi mashqalalar, usınıslar tiykarında jumısshı hám xızmetshi xızmetkerler menen ushırasıwlar, sáwbetler alıp barıldı.

«Qońırat aymaqlıq temir jollar uzeli» (Qońırat ATU) UKǵa qaraslı “Qońırat lokomativ deposi (TCH-7), “Qońırat temir jol aralıǵı (PCH-25), “Qońırat elektr aralıǵı (ECH-10), “Qońırat baylanıs hám signallastırıw aralıǵı (ShCH-11), “Qońırat vogon deposi (VCHD-14) hám “Jol xojalıǵı basqarmasına qaraslı “Qońırat 279-sanlı Jol mashina stanciyasi” hámde “Qońırat Áskeriylestirilgen qorǵanıw otryadın da islewshi xızmetkerlerge wazıypaların orınlaw waqtında miynetti qorǵaw qaǵıyda hám normalar talaplarına ámel etiliwi, júk kóteriw kran úskenelerin óz waqtında qadaǵalaw kóriginen ótkerilip barılıwı, nasaz kórikten ótpegen qurılmalardan paydalanmaslıq, xızmetkerler jumıs waqtında belgilengen arnawlı kiyim, ayaq kiyim hám basqa jeke qorǵanıw qurılmaları menen islewleri, kárxanada náwbetshi xızmetkerler, qarawıllar ushın bárshe shárt-shárayatlar jaratılıwı, Qońırat ATU UKne (obekt)lerde birinshi, ekinshi hám úshinshi basqıshlı qadaǵalaw jumısların alıp barıw, birinshi medicinalıq járdem kórsetiw aptechkaların shólkemlestiriw, aptechkada belgilengen bárshe túrdegi dári-dármanlar menen támiyinleniwi, ayrıqsha jaǵdayda xızmetkerlerdiń háreketleniw sxeması karidorınıń kórinerli ornına qoyılıwı, orınlarda miynetti qorǵaw ústinen basshılıq qadaǵlawın kúsheyttiriw lazımlıǵı hám usıǵan baylanıslı basqa normalar talapları boyınsha xızmetkerlerge usınıs hám túsinikler berildi.

Ótkerilgen jámáátshilik qadaǵalaw juwmaqları boyınsha jumıs beriwshilerge orınlanıwı shárt bolǵan kórsetpeler berildi.

Kórsetpede belgilengen ilájlardı orınlanıwı inspekciya tárepinen qadaǵalawǵa alındı.