14-yanvar “Ózbekstan Respublikası Watan qorǵawshıları kúni” bayramına arnap Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi tárepinen Nókis qalasındaǵı ulıwma orta bilim beriw mekemeleri xızmetkerleri (erler) arasında sporttıń armrestling, tas kóteriw (girya), oq jaydan oq atıw túrlerinen sport jarısları usı jıldıń 19-yanvar kúni Nókis qalası 21-sanlı ulıwma orta bilimberiw mektebinde ótkerildi.

Qızǵın tartıs hám óz-ara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeńiske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında jeńimpazlıqtı qolǵa kirgizgen xızmetkerlerge Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesiniń diplom hám estelik sawǵaları tapsırıldı.

м