Nókis qalası 2-sanlı sport mektebinde “Bes baslama olimpiadası” sheńberinde bilim beriw mákemeleri oqıtıwshıları arasında “Salamat denede – sapalı bilim” súreni astında Kásiplik awqamı kubogi sport jarıslarınıń Qaraqalpaqstan Respublikası basqıshı ótkerildi.

Ózbekstan kásiplik awqamları Federaciyasınıń Qaraqalpaqstan Keńesi, Qaraqalpaqstan Respublikası mektepke shekemgi hám mektep bilimlendiriw ministrligi, Qaraqalpaqstan Respublikası Sport ministrligi hámde Ózbekstan jaslar isler agentligi Qaraqalpaqstan Respublikası basqarmas tárepinen tastıyıqlanǵan qospa qararǵa tiykar “Salamat denede – sapalı bilim” súreni astında Kásiplik awqamı kubogi sport jarıslarınıń Qaraqalpaqstan Respublikası basqıshı Nókis qalası 2-sanlı sport mektebi, Ájiniyaz atındaǵı Nókis mámleketlik pedagogikalıq institutı, Berdaq atındaǵı Qaraqalpaq mámleketlik universiteti hámde Olimpiya hám paralimpiya sport túrlerine tayarlaw orayıda bolıp ótti.

Ilajda Ózbekstan kásiplik awqamları Federaciyasınıń Qaraqalpaqstan Keńesi baslıǵınıń orınbasarı M.Daniyarov, Qaraqalpaqstan Respublikası Sport ministri A.Allanazarov, Qaraqalpaqstan Respublikası mektepke shekemgi hám mektep bilimlendiriw ministrligi, Ózbekstan jaslar isler agentligi Qaraqalpaqstan Respublikası basqarması wákilleri hámde tarawlıq kásiplik awqamları Qaraqalpaqstan Respublikası Keńesi baslıqları, juwaplı shólkemlestiriwshileri hámde tiyisli ministrlikler wákilleri qatnastı. Jarısta ótken basqıshlarda jeńimpaz bolǵan 17 komandalarda 357 oqıtıwshı ustazlarımız sporttıń ǵalabalıq túrleri mini-futbol, shaxmat, shashka, stol tennisi hámde voleybol túrleri boyınsha óz-ara kúsh sınastı. Bul jarıslardıń ótken basqıshlarında 15 mıń 078 dan artıq bilim beriw mákemeleriniń xızmetkerleri qatnastı.

Kún dawamında sport jarısları qızǵın ótip hám tájiriybeli tóreshiler tárepinen jeńimpazlar hám komandalıq esapta utıp shıqqan jeńimpazlardı anıqladı.

Bunda:

Sporttıń STOL TENNISI túri boyınsha Hayal-qızlar arasında 3-orındı Bobojonova Etibor Ámiwdárya rayonı, 2-orındı Satimova Gulxumar Nókis qalası, 1-orındı Xudaybergenova Yulduz Taqıyatas rayonı, al Erler arasında bolsa 3-orındı Qilishbaev Nurlibay Moynaq rayonı, 2-orındı Yuldashev Doniyor Ámiwdárya rayonı, 1-orındı Ellikqala rayonınan Qurbanov Ixtiyorlar iyeledi.

Gezektegi ShAXMAT túri boyınsha Hayal-qızlar arasında 3-orındı Xamidullaeva Jamila Qaraózek rayonı, 2-orındı Abdijamilova Gulnaz Xojeli rayonı, 1-orındı Bekmuratova Gulsauir Shımbay rayonı, Erler arasında bolsa 3-orındı Tureyev Baxadir Qońırat rayonı, 2-orındı Dilimbetov Salamat Nókis qalası, 1-orındı Taqıyatas rayonınan Qaypanov Rustemler iyeledi.

Sporttıń ShAShKA túri boyınsha Hayal-qızlar arasında 3-orındı Mamutova Guljaxan Nókis qalası, 2-orındı Tanırbergenova Alima Qaraózek rayonı, 1-orındı Qońırat rayonınan Urazbaeva Dilfuza, Erler arasında bolsa 3-orındı Abdiganiev Rustem Shımbay rayonı, 2-orındı Eshimbetov Amin Ámiwdárya rayonı, 1-orındı Qońırat rayonınan Abdireymov Baxadirler iyeledi.

Sporttıń VOLEYBOL túri boyınsha 3-orındı Taxtakópir rayonlıq komandası, 2-orındı Beruniy rayonlıq komandası, 1-orındı Nókis qalalıq komandaları iyeledi sonıń menen birge, sporttıń MINI-FUTBOL túri boyınsha 3-orındı Nókis qalalıq komandası, 2-orındı Kegeyli rayonlıq komandası, 1-orındı Nókis rayonlıq komandaları jeńimpaz dep tabıldı.

“Salamat denede – sapalı bilim” súreni astında “Kásiplik awqamı kubogi” sport jarıslarınıń Qaraqalpaqstan Respublikası basqıshında komandalıq esapta 3-orındı Qońırat rayonı, 2-orındı Taqıyatas rayonı, 1-orındı Nókis qalallıq komandaları jeńimpaz dep tabıldı.

Ulıwma komandalıq esapta birinshi orındı iyelep jeńimpaz bolǵan Nókis qalalıq komandasına “Kásiplik awqamı kubogi” hámde 30 million sum pul sıylıǵı tapsırıldı.

Sonday-aq, Ózbekstan kásiplik awqamları Federaciyasınıń Qaraqalpaqstan Keńesi tárepinen túrli nominaciyalar boyınsha sonıń menen birge, jeńimpaz komandalarǵa diplom hámde Qaraqalpaqstan Respublikası Sport ministrliginiń sawǵaları tapsırıldı.