Usı jıldıń 28-fevral kúni Qaraqalpaqstan Respublikası Mektepke shekemgi hám mektep bilimlendiriw ministrligine qaraslı Respublikalıq Balalar kitapxanası, Nókis qalalıq mektepke shekemgi hám mektep bilimlendiriw bólimi hám Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi menen birgelikte Balalar kitapxanası imaratında bilimlendiriw mákemelerinde islep atırǵan xızmetkerler arasında «KITAPQUMAR XÍZMETKER» kórik-tańlawınıń ekinshi qalalıq basqıshı bolıp ótti.

Kórik-tańlawda qatnasıwshılar ózbek, qaraqalpaq hám jáhán ádebiyatlarınan oqıǵan kitapları boyınsha ózleriniń bilimlerin sınaqtan ótkerdi.

Tańlawdıń maqseti bilimlendiriw mákemelerinde islewshi xızmetkerlerdiń kitap oqıwǵa bolǵan qızıǵıwshılıǵın asırıw arqalı olardıń bilimi hám oylawın bayıtıw, mákemelerde sociallıq-ruwxıy ortalıqtı jánede salamatlastırıw, kitap oqıwǵa bolǵan umtılıwshılıǵın qollap-quwatlawdan ibarat.

«KITAPQUMAR XÍZMETKER» tańlawı jeńimpazları:

1-orın M.Qaypanova 48-sanlı mektep.

2-orın B.Mannanova 45-sanlı mektep

3-orın B.Sarıbaev I.Yusupov atındaǵı dóretiwshilik mektebi

Jeńimpazlar diplom hám estelik sawǵalar menen sıylıqlandı.