11 ноябрь — Өзбекстан кәсиплик аўқамлары күни байрамы қабатында усы жылдың 5-ноябрь күни “Тақыятас ЖЭС” АЖде Сенатор, Өзбекстан кәсиплик аўқамлары Федерациясының  Қарақалпақстан кеңеси баслығы У.А.Жалменов ҳәм кәсиплик аўқамлары белсенделери менен биргеликте станцияның жумысшы –хызметкерлери менен ушырасты ҳәмде станция искерлиги менен танысты.

“Тақыятас ЖЭС” АЖ бас директоры Ф.Халилаев ҳәм кәсиплик аўқамы комитети баслығы К. Абдуллаевлар келген мийманларды станция искерлиги менен таныстырды.

Кәрханада мийнеткешлердиң социаллық-экономикалық мәплери ҳәм мийнет саласындағы ҳуқықлары ис бериўши ҳәм де кәсиплик аўқам комитети социаллық шериклигинде беккем қорғаўға алынған. Буны 827 жумысшы-хызметкер мийнет етип атырған “Тақыятас ЖЭС”АЖ кәсиплик аўқам комитети жумысларының мысалында айқын көриў мүмкин.

Станцияның цехларында жумыс алып барыўшы цех басланғыш кәсиплик аўкам комитетлери баслықлары (олар 10 адам ) ушын жаңа қабыл етилген жәмәәт шәртнамасы бойынша, цехлардан сайланған 14 ўәкил ушын мийнет қәўипсизлиги бойынша оқыў -семинарлары шөлкемлестирилди.

“Өзбекстон – 2030” стратегиясыны “Жаслар ҳәм  бизнести қоллап-қуўатлаў жылы”нда әмелге асырыў байланыслы мәмлекетлик бағдарламасын орынлаўын тәмийинлеў бойынша 2024 -жыл 10 ай даўамында ислеўшилерди социаллық корғаў мақсетинде  ҳәр жылы гүзги-қысқы мәўсими ушын азық-аўқат резервы ушын кәрхана қаржы есабынан ең кем айлық ис-ҳақының 2 есеси муғдарында пул кәрежетлери берлиди Юбилей сәнесине жеткен хызметкерлерди қоллап-қуўатлаў мақсетинде усы жыл 16 ветеранларға материаллық жәрдем ажыратылып ҳәм қымбат баҳалы сыйлықлар берилди, 44 ветеранларға, мүтәж майыплығы болған шаңарақларға азық-аўқат өнимлери тапсырылды, 61 ислеўшилерге ден саўлығын қайта тиклеў ушын материаллық жәрдемлер берилди.

2024-жылда  кәрханада ислеп атырған 158 ислеўши ҳәм  олардың ата-аналары ден саўлығын тиклеў мақсетинде  “Кристал Ресорт” дем алыў орынға бийпул жиберилди. Соның менен бирге, санаторияларға 25 ислеўши ҳәм олардың ата-аналарына жолламалар берилди.

2024-жыл балалардың жазғы дем алыў мәўсимин Қарақалпақстан аймағында“Ақ кеме” ҳәм Ташкент ўәлаятында жайласқан “Ғазалкент” балалар дем алыў орайында 87 ислеўшилердиң  перзентлери дем алдырылды.

Соның менен бирге кәсиплик аўқам комитети ис-жобасына муўапық мәмлекетимизде кең белгиленетуғын  байрамлар қабатында заводта ислеўшилер ҳәм олардың шаңарақ ағзалары арасында шахмат, шашка, миллий гүрес, тас көтериў, аркан тартыў, волейбол, футбол, шаңарақлық спорт, баскетбол, стол тенниси бойынша жарыслар шөлкемлестирилди.

Сондай-ақ, ислеўшилер арасында қуўнақлар ҳәм зийреклер көрик таңлаўы өткерилди.

Ушырасыў даўамында станцияның бир қатар мийнеткешлерге ϴзбекстна кәсиплик аўқамлары Федерациясының “Ҳүрмет жарлық”лары тапсырылды.