Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Respublika Keńesi Atqarıw komitetiniń 2024-jıl 10-sentyabr kúngi “Ózbekstan Respublikası Ǵárezsizliginiń otiz úsh jıllıq bayramı múnásebeti menen spartakiada jarısların ótkeriw haqqında”ǵı 8-19 “s” sanlı qararına tiykar Tashkent wálayatı Bostanlıq rayonında spartakiada jarısları ótkerildi.

Spartakiada sporttıń kishi futbol, stol tennis, bodminton, shashka hám shaxmat túrlerinen erler hám hayallar arasında ótkerildi. Jarısqa Ózbekstan mámleketlik mákemeler hám jámiyetlik xızmeti xızmetkerleri kásiplik awqamı rayon Qaraqalpaqstan Keńesi 15 sportshı quramındaǵı topar menen qatnastı. Jarıs juwmaǵında hayal-qızlar arasında sporttıń shashka túrinen Qaraqalpaqstan Respublikası Ishki isler xızmetkerleri birlesken kásiplik awqam komiteti esapshısı Z.Turdimuratova 1-orındı, badminton spor turinen erler arasında Ózbekstan Respublikası Prezidenti janındaǵı Sociallıq qorǵaw agentligi Qaraqalpaqstan Respublikası basqarması Insan resursların rawajlandırıw hám basqarıw sektorı baslıǵı Q.Dawletov sıylı 1-orındı, badminton sport túninen hayal-qızlar arasında Mikrokredit bank Qaraqalpaqstan Respublikası aymaqlıq filiali baslanǵısh kásiplik awqam shólkemi baslıǵı Q.Jańabaeva sıylı 2-orındı hámde stol tennis túrinen erler arasında “Bekniyazova Dinora Bayniyazovna” notarial shólkemi xatkeri M.Yuldashev sıylı 2-orındı iyelewge eristi.

Jarıs juwmaǵında Qaraqalpaqstan Keńesi komandalıq esapta 12 wálayatı Tashkent qalası komandaları arasında sıylı 1-orındı iyeledi.