Өзбекстан мәмлекетлик мәкемелер ҳәм жәмийетлик хызмети хызметкерлери кәсиплик аўқамы Республика Кеңеси Атқарыў комитетиниң 2024-жыл 10-сентябрь күнги “Өзбекстан Республикасы Ғәрезсизлигиниң отиз үш жыллық байрамы мүнәсебети менен спартакиада жарысларын өткериў ҳаққында”ғы 8-19 “с” санлы қарарына тийкар Ташкент ўәлаяты Бостанлық районында спартакиада жарыслары өткерилди.

Спартакиада спорттың киши футбол, стол теннис, бодминтон, шашка ҳәм шахмат түрлеринен ерлер ҳәм ҳаяллар арасында өткерилди. Жарысқа Өзбекстан мәмлекетлик мәкемелер ҳәм жәмийетлик хызмети хызметкерлери кәсиплик аўқамы район Қарақалпақстан Кеңеси 15 спортшы қурамындағы топар менен қатнасты. Жарыс жуўмағында ҳаял-қызлар арасында спорттың шашка түринен Қарақалпақстан Республикасы Ишки ислер хызметкерлери бирлескен кәсиплик аўқам комитети есапшысы З.Турдимуратова 1-орынды, бадминтон спор туринен ерлер арасында Өзбекстан Республикасы Президенти жанындағы Социаллық қорғаў агентлиги Қарақалпақстан Республикасы басқармасы Инсан ресурсларын раўажландырыў ҳәм басқарыў секторы баслығы Қ.Даўлетов сыйлы 1-орынды, бадминтон спорт түнинен ҳаял-қызлар арасында Микрокредит банк Қарақалпақстан Республикасы аймақлық филиали басланғыш кәсиплик аўқам шөлкеми баслығы Қ.Жаңабаева сыйлы 2-орынды ҳәмде стол теннис түринен ерлер арасында “Бекниязова Динора Байниязовна” нотариал шөлкеми хаткери М.Юлдашев сыйлы 2-орынды ийелеўге еристи.

Жарыс жуўмағында Қарақалпақстан Кеңеси командалық есапта 12 ўәлаяты Ташкент қаласы командалары арасында сыйлы 1-орынды ийеледи.