O‘zbekiston davlat muasssasalari va jamoat xizmati xodimlari kasaba uyushmasi Respublika Kengashining 2024 yil 10 sentyabr kungi “O‘zbekston Respublikasi Mustaqilligining 33 yillik bayrami munosabati bilan spartakiada musobaqalarini o‘tkazish to‘g’risida”gi 8-19 “s” sonli qarori bilan Toshkent viloyati Bo‘stonliq tumanida spartakida musobaqalari o‘tkazildi.

Spartakiada sportning kichik futbol, stol tennis, bodminton, shashka va shaxmat turlarida erkaklar va ayollar o‘rtasida o‘tkazildi.

Musobaqaga O‘zbekiston davlat muassasalari va jamoat xizmati xodimlari kasaba uyushmasi Qoraqalpog’iston Kengashi jamoasi 15 sportchida iborat tarkib bilan ishtirok etdi.

Musobaqa yakunida ayollar o‘rtasida sportning shashka turi bo‘yicha Qoraqalpog’iston Respublikasi Ichki ishlar xodimlari birlashgan kasaba uyushmasi qo‘mitasi hisobchisi Z.Turdimuratova 1 o‘rinni, badminton sport turi bo‘yicha erkaklar o‘rtasida O‘zbeksiton Respublikasi Prezidenti qoshidagi Ijtimoiy himoya agentligi Qoraqalpog’iston Respublikasi boshqarmasi Inson resurslarini rivojlantirish va boshqarish sektori rahbari Q.Dao‘letov 1 o‘rinni, badminton sport turi bo‘yicha ayollar o‘rtasida Mikrokredit bank Qoraqalpog’iston Respublikasi hududiy filiali boshlang’ich kasaba uyushmasi raisi Q.Jangabaeva 2 o‘rinni va stol tennis turining erkaklar o‘rtasida “Bekniyazova Dinora Bayniyazovna” notarial idorasi kotibi M.Yuldashev 2 o‘rinni egalladi.

Musobaqa yakunida O‘zbekiston davlat muassasalari va jamoat xizmati xodimlari kasaba uyushmasi Qoraqalpog’iston Kengashi jamoabiy hisobda 12 ta viloyat va Toshkent shahri jamoalari orasida faqirli 1 o‘rinni egalladi.