«Nókis xalıqaralıq aeroportı» JShJde ullı oyshıl Alisher Nawayı tuwılǵanlıǵınıń 582 jıllıǵı xámde shayır hám mámleketlik ǵayratker Zahiriddin Muxammad Babur tuwılǵanına 540 jıl tolıwı múnásibeti menen mádeniy ilaj bolıp ótti. Ótkerilgen ilaj Nókis qalasındaǵı Prezident bilimlendiriw mákemeleri agentligine qaraslı I.Yusupov atındaǵı dóretiwshilik mektep muǵállimleri hám oqıwshıları menen birgelikte shólkemlestirildi. Ilajdı aeroport kásiplik awqamları keńesi baslıǵı R.X.Allaniyazov ashıp berdi. Soń dóretiwshilik mektep wákilleri sózge shıǵıp ullı oyshıl hám sárkardanıń ómiri hám dóretiwshiligi haqqında óz pikirlerin bildirip ótti. Bul tulǵalardıń ómir jolı hám dóretiwshiligi boyınsha tayarlanǵan saxnalıq kórinisler, mektep oqıwshılarınıń Nawayı ǵázzellerinen tásirli oqıp beriwleri hám basqa da koncert baǵdarlamaları, shıǵıwlar menen ilaj dawam ettirildi. Ótkerilgen ilaj hár tárepleme qatnasıwshılarǵa hám tamashagóylerde úlken qızıǵıwshılıq oyattı. Ilaj sońında aeroport hákimshiligi menen dóretiwshilik mektep wákillerine estelik sawǵalar berilip, minnetdarlıq bildirildi.

Ilajdıń mádeniy bólimi juwmaqlanǵanan soń I.Yusupov atındaǵı dóretiwshilik mektep ustazları hám oqıwshıları ushın Nókis xalıq aralıq aeroportı aymaǵına sayaxat shólkemlestirildi. Bul ushırasıw oqıwshı jaslarda úlken tásir qaldırdı.