Usı jıldıń 27-iyun kúni «27-iyun Baspasóz hám ǵalaba xabar quralları xızmetkerleri kúni» múnásibeti menen Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti tárepinen mádeniy ilaj shólkemlestirildi.

Ilaj qatnasıwshıların Ózbekstan kásiplik awqamları Federaciyası Keńesi Baslıǵınıń orınbasarı, Qaraqalpaqstan Keńesiniń baslıǵı Jalmenov Ulıqbek Abılaevich hám Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komitetiniń baslıǵı Ayapov Jeńisbay Jarılqaǵanovich qutlıqladı.

Ilajda búgingi kúnde elimizde ámelge asırılıp atırǵan keń kólemli reformalar, dóretiwshilik jumıslardı ámelge asırıwda, Jańa Ózbekstandı jaratıw jolında jámiyetlik-siyasiy, sociallıq-ekonomikalıq turmıstaǵı iygilikli jumıslarında uzaq jıllar dawamında pidákerlik penen xızmet etip atırǵan, sonday-aq, elimiz Ǵárezsizligin bekkemlewde, xalqımızdıń mádeniyatı hám ádebiyatın rawajlandırıwda qosıp kiyatırǵan úlesleri jáne kásiplik awqamlarınıń jumıslarındaǵı belsendiligi inabatqa alınıp bir qatar baspasóz hám ǵalaba xabar qurallarınıń xızmetkerlerine minnetdarshılıq bildirildi.

Ótkerilgen ilajda «27-iyun Baspasóz hám ǵalaba xabar quralları xızmetkerleri kúni» múnásibeti menen «Ámiwdárya» jurnalı, Qaraqalpaqstan xabar agentligi, «Qaraqalpaqstan baspası,» «Bilim baspası,» «Qaraqalpaqstan sportı,» «Qoraqalpoǵiston tongi,» «Erkin Qaraqalpaqstan,» «Qaraqalpaqstan jasları» gazetalarında uzaq jıllar dawamında pidayı xızmet etip kiyatırǵan xızmetkerler Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komitetiniń «Húrmet jarlıqları» menen sıylıqlandı hám bahalı sawǵalar tapsırıldı.