11-noyabr «Ózbekstan kásiplik awqamları kúni» bayramın jaqsı kewilli keypiyatlar menen kútip alıw ushın Ózbekstan bilimlendiriw hám ilim xızmetkerler kásiplik awqamı Nókis qalalıq bólimshesi keńesi tárepinen tarawǵa qaraslı barlıq baslanǵısh kásiplik awqam shólkemleri baslıqları, kásiplik awqam shólkemleri belsendileri ushın ilim dárgayı esaplanǵan Qaraqalpaq mámleketlik universiteti turmısı, «Repressiya qurbanlar» muzeyi hám Berdaq atındaǵı qaraqalpaq ádebiyatı tarıyxı mámleketlik muzeyleri menen tanıstırıw ushın sayaxat shólkemlestirildi.

Sayaxattan keyin baslanǵısh kásiplik awqam belsendileri ushın universitet bazasındaǵı awqatlanıw ornında qalalıq bólimshe keńesi tárepinen bayram dasturxanı jayılıp, saz-sáwbet keshesi shólkemlestirildi hám qatnasıwshılarǵa bahalı estelik sawǵalar berildi.

Keshemizde Senator, Ózbekstan kásiplik awqamları Federaciyası baslıǵı orınbasarı, Federaciyanıń Qaraqalapaqstan Keńesi baslıǵı U.Jalmenov sózge shıǵıp, bársheni bayram menen qutlıqladı.