11-ноябрь «Өзбекстан кәсиплик аўқамлары күни» байрамын жақсы кеўилли кейпиятлар менен күтип алыў ушын Өзбекстан билимлендириў ҳәм илим хызметкерлер кәсиплик аўқамы Нөкис қалалық бөлимшеси кеңеси тәрепинен тараўға қараслы барлық басланғыш кәсиплик аўқам шөлкемлери баслықлары, кәсиплик аўқам шөлкемлери белсендилери ушын илим дәргайы есапланған Қарақалпақ мәмлекетлик университети турмысы, «Репрессия қурбанлар» музейи ҳәм Бердақ атындағы қарақалпақ әдебияты тарыйхы мәмлекетлик музейлери менен таныстырыў ушын саяхат шөлкемлестирилди.

Саяхаттан кейин басланғыш кәсиплик аўқам белсендилери ушын университет базасындағы аўқатланыў орнында қалалық бөлимше кеңеси тәрепинен байрам дастурханы жайылып, саз-сәўбет кешеси шөлкемлестирилди ҳәм қатнасыўшыларға баҳалы естелик саўғалар берилди.

Кешемизде Сенатор, Өзбекстан кәсиплик аўқамлары Федерациясы баслығы орынбасары, Федерацияның Қарақалапақстан Кеңеси баслығы У.Жалменов сөзге шығып, бәршени байрам менен қутлықлады.