Ózbekstan kásiplik awqamları háreketiniń 120 jıllıǵına baǵıshlap «Bilimlendiriw hám ilim xızmetkerleri kásiplik awqamı hápteligi» boyınsha Ózbekstan bilimlendiriw hám ilim xızmetkerleri Nókis qalalıq bólimshesi quramındaǵı bilimlendiriw mákemelerinde ilájlar ótkeriliwi rejelestirilgen edi.

Usı múnásibet penen usı jıldıń 23-aprel kúni Nókis qalalıq 10-sanlı ulıwma orta bilim beriw mektebinde Ózbekstan bilimlendiriw hám ilim xızmetkerleri Nókis qalalıq bólimshesi tárepinen Ózbekstan Respublikasınıń «Kásiplik awqamları haqqında»ǵı, «Pedagogtıń statusı haqqında»ǵı nızamları, «Miynet kodeksi», «Ózbekstan Respublikası xalıqtı sociallıq qorǵaw strategiyası»nıń áhmiyeti hám mazmun-mánisin túsindiriw maqsetinde oqıw-seminarı ótkizildi.  Ótkizilgen oqıw-seminarına mekteptiń baslanǵısh kásiplik awqamı shólkemi aǵzaları qatnastı.

Oqıw-seminarı qatnasına joqarıda atap ótilgen nızamlardıń mazmun-mánisi, xızmetkerlerdiń múnásip miynet sharayatında jumıs islewinde tutqan ornı, búgingi kúnde xızmetkerlerge jaratılıp atırǵan imkániyat hám qolaylılıqlar, olardı sociallıq qorǵaw tarawında alıp barılıp atırǵan jumıslarǵa keńnen toqtap ótti.

Ózbekstanda kásiplik awqamları háreketiniń 120 jıllıǵına baǵıshlap tariyxıy dereklerge súyenip tayarlanǵan tarqatpa materiallar qatnasıwshılarǵa tarqatıldı.

Sonday-aq, usı mekteptiń huqıq tanıw páni muǵallimi G.Imalatdinova tárepinen Ózbekstan Respublikası Miynet kodeksi boyınsha keńnen túsinik berilip, qatnasıwshılarǵa qosımsha kirgizilgen ózgerisler haqqında keńnen túsinik berdi.

Oqıw-seminarı barısında qatnasıwshılar sorawlar berip, ózlerine tiyisli kóp maǵlıwmatlar alıp, seminardıń mazmunlı bolıp ótiwinde belsendilik kórsetti.

Usı sıyaqlı oqıw-seminarları, ushırasıwlar qalamızdaǵı basqada bilimlendiriw mákemelerinde reje tiykarında dawam ettirilip barıladı.