Qaraqalpaqstan Respublikasınıń Shımbay rayonı «Awıl xojalıǵı tarawında gender teńlik, sonday-aq, fermer xojalıqları hám klasterlerde islewshilerdiń social-ekonomika hám xuquqıy qorǵawı, miynet múnásebetlerin kúsheytiriw, bunda  XMTi hámde milliy miynet standartları boyınsha taraw xızmetkerlerdiń xabardarlıǵın asırıw, sonnan gender teńlik, májbúriy hám balalar miyneti” temasındaǵı ámeley seminar bolıp ótti.

Onda, Shımbay rayonı hákiminiń birinshi orınbasarı S.Qayıpnazarov sózge shıqtı hám awıl xojalıǵı tarawında alıp barılıp atırǵan jumıslar hám aldaǵı rejeler tuwrısında sóz júrtdi. Sonnan soń Ózbekstan Agrosanaat kompleksi xızmetkerleri kásiplik awqamı Respublika keńesi baslıǵınıń birinshi orınbasarı Twxta Bozorov miynetkeshlerdi social-ekonomikalıq qollap-quwatlaw, tarawǵa aǵza iri kárxana, shólkemler hám agroklasterler menen baylanıslıqlardı jánede rawajlandırıwdaǵı baylanıslıqları tuwrısında aytıp ótti. Sonday-aq, Ózbekstan kásiplik awqamları Federaciyasınıń Qaraqalpaqstan Keńesi baslıǵı Ulıqbek Jalmenov, Ózbekstan kásiplik awqamları Federaciyasınıń Qaraqalpaqstan Keńesiniń shólkemlestiriw jumıslar bólimi baslıǵı Gulnara Ilmuradova 2025 jılda Federaciya diziminde ótkiziletuǵın esabat-saylaw kampaniyasına tayarlıq kóriw jumısların shólkemlestiriw tuwrısında túsinik berip ótti hám Ózbekstan Agrosanaat kompleksi xızmetkerleri kásiplik awqamı Respublika Keńesiniń Qaraqalpaqstan Respublikası boyınsha juwaplı shólkemlestiriwshisi Erǵali Seytnazarov hámde Keńestiń Miynetkeshlerdiń social-ekonomikalıq máplerin qorǵaw bóliminiń jetekshi qániygesi Utepbergenov Erkin sonlıqtan gender teńlik, májbúriy hám balalar miyneti temasında túsinik berip ótti.

Miynetkeshlerdi social-ekonomikalıq tárepten qollap-quwatlaw, kárxana, shólkem, fermer xojalıqları, agroklasterlerde miynet múnásebetleri hám qáwipsizligi jumısların shólkemlestiriw boyınsha shólkemlestirilgen oqıw-seminar juwmaǵında soraw-juwaplar bolıp ótti hám qatnasıwshılar tárepinen kirgizilgen usınıslarǵa juwaplı xızmetkerler tárepinen zárúr usınıslar berip ótti.