Ózbekstan Respublikası Prezidentiniń 2020 jıl 30 oktyabr kúni “Salamat turmıs tárizin úgit nasiyatlaw hám ǵalabalıq sporttı rawajlandırıw is ilajları haqqında”ǵı PP-6099 sanlı pármanında belgilengen wazıypalardıń orınlanıwın támiyinlew maqsetinde Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi tárepinen rayonlıq Keńesleri arasında sporttıń kishi-futbol túri boyınsha 2024-jıl 27 avgust kúni jarıs ótkerildi.

2024-jıl 27 avgust kuni Nókis qalasındaǵı Qaraqalpaq Mámleketlik Universiteti sport maydanında ótkerildi. Jarıs Nızamına muwapıq 1/8 finalǵa Qanlikól, Moynaq, Kegeyli, Amudariya, Qaraózek, Taxtakópir, Shomanay hám Nókis rayonlıq Keńesleri komandaları qatnastı.

Óz ara bellesip 1 hám 2 orındı alıp shıqqan komandalar  óz-ara 1/4 final basqashında Qanlikól, Moynaq, Amudariya hám Nókis rayonlıq Keńes komandaları 1 orın ushın bellesti.

Final basqıshında Nókis rayonlıq Keńesi komandası sıylı 1 orındı, Qanlikol rayonlıq komandası 2 orındı, Moynaq rayon Kenesi komandası 3 orındı iyelewge eristi.

Jarıs juwmaǵında jeńimpazlar hám 4 nominaciya boyınsha eń jaqsıları dep tawılǵan jarıs qatnasıwshıları jarıs shólkemlestiriwshileri tárepinen estelik sawǵalar hám Qaraqalpaqstan Keńesi hurmet jarlıǵı menen sıylıqlandı.

Jarısta jámi 84 xızmetker qatnastı. Jarıs jeńimpazların sıylıqlaw máresiminde Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı R.Madreimov hám shólkemlestiriw jumısları bólim mengeriwshisi M.Atamuratovalar qatnastı.