Jasarıw hám jańalanıw, oyanıw tımsalı, milliy ózligimiz kórinisi, ruwxıy ómirimizdiń ajıralmas bólegi bolǵan Nawrız barlıq tarawlarda, maydan hám baǵlarda, awıllarda, barlıq máhállelerde bayram hawazı jańramaqta.

Sol qatarda, 2022-jıl 20-mart kúni Ózbekstan kásiplik awqamları Federaciyasınıń Qaraqalpaqstan Keńesi de «Istiqlol» balalar dem alıw orayında xalqımız ushın shólkemlestirilgen bayram seyilinde, milliyligimiz tımsalı bolǵan qara úy ornatılıp, bayramǵa mas bezetildi, miymanlardı saz-sáwbet penen kútip, átirap-aymaq jası úlkenler menen jası kishilerge tolı bolıwı bayram keypiyatın payda etti. Keń dasturxanda milliy taǵamlar, hár qıylı buyımları kórgizbesi jıynalǵanlar názerine usınıldı. Sonıń menen birge, qaraqalpaq xalqınıń milliy úrp-ádet hám dástúrlerin sáwlelendiriwshi kórinisler, xalıq qosıqları atqarıldı.

Usılayınsha tań azannan baslanǵan Nawrız seyili uzaq kún boyı dawam etti.

Respublikamızdıń barlıq qala hám rayonlarında «Nawrız» bayramı tamashalarına kásiplik awqamları óz úleslerin qosıp, bul ilajlar kóterińki ruwxta ótkerildi.