Usı jıldıń 14-15 fevral kúnleri Ózbekstan kásiplik awqamları Federaciyasınıń Qaraqalpaqstan Keńesi tiyisli juwapker qániygeler tárepinen Nókis rayonı tarawlıq keńesler hám baslanǵısh kásiplik awqamları shólkemlerge kásiplik awqam jumısların ustav talapları tiykarında alıp barıw boyınsha ámeliy járdemler kórsetildi.

Ámeliy járdem kórsetiw dawamında kásiplik awqam organlarında anıqlanǵan qáte-kemshiliklerdi saplastırıw boyınsha Keńes juwaplı xızmetkerleri tárepinen oqıw-seminar shólkemlestirildi. Oqıw-seminarda jámáátlik shártnamalardı qabıl etiw, orınlanıwın qadaǵalaw, miynetti qorǵaw máseleleri, múrájáátler menen islesiw, mádeniy-aǵartıwshılıq hám sport ilajların shólkemlestiriw, kásiplik awqam byudjetiniń maqsetli sarıplanıwı hám hújjetlerdi rásmiylestiriw boyınsha túsinikler berildi.

Oqıw-seminar juwmaǵında qatnasıwshıları ózleriniń qızıqtırǵan sorawlarına juwaplar aldı.