Ózbekstan Respublikası Prezidentiniń 2020-jıl 30-oktyabrdegi «Salamat turmıs tárizin keń en jaydırıw hám ǵalabalıq sporttı jáne de rawajlandırıw is-ilajları haqqında»ǵı PP-6099 sanlı Pármanında ǵalabalıq sporttı rawajlandırıw boyınsha shańaraqlar, miynet jámáátlerinde hám aymaqlar arasında sport jarısların udayı túrde ótkerip barıw belgilep berilgen.

Usı wazıypalar sheńberinde medicina mákemeleri xızmetkerleriniń fizikalıq belsendiligin asırıw, densawlıqların bekkemlew, olar arasında salamat turmıs tárizin úgit-násiyatlaw hám bul baǵdarda alıp barılıp atırǵan jumıslardıń nátiyjeliligin jáne de asırıw, Ózbekstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamı Respublikalıq keńesiniń 2023-jıl 13-sentyabrdegi “Medicina mákemeleri xızmetkerleri arasında “Densawlıqtı saqlaw ministri kubogi-2023” sport jarısların shólkemlestiriw haqqında”ǵı qospa qararınıń orınlanıwın támiyinlew maqsetinde Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń qospa qararı tiykarında 2023-jıldıń 28-sentyabr kúni Nókis qalasında jaylasqan Nókis Abu Ali Ibn Sino atındaǵı jámiyetlik salamatlıq texnikumınıń sport bazasında medicina mákemeleri xızmetkerleri arasında ”Densawlıqtı saqlaw ministri kubogi-2023” sport jarısınıń Qaraqalpaqstan Respublikası basqıshı sporttıń kishi futbol, shashka, shaxmat hám stol tennisi túrleri  boyınsha  ótkerildi.

Sport jarısınıń Qaraqalpaqstan Respublikası basqıshında medicina mákemelerinen 15 komanda quramında 230 dan aslam xızmetkerler qatnastı.

Jarıs juwmaǵında hár bir sport túri boyınsha jeńimpazlar Qaraqalpaqstan Respublikası densawlıqtı saqlaw ministrligi menen Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń birgeliktegi tiyisli dárejedegi diplomları, medalları hám de bahalı sawǵaları menen sıylıqlandı.