Ózbekstan velosport Federatsiyası Qaraqalpaqstan bólimi hámde Ózbekstan kásiplik awqamları Federatsiyasınıń Qaraqalpaqstan Keńesi menen birgelikte Ózbekstan kásiplik awqamları háreketiniń 120 jıllıǵına baǵıshlap sporttıń velosport shosse túrinen ótkerilgen usı jarısta 104 ul-qızlar óz-ara kúsh sınastı.

Ilaj shólkemlestiriwshileri mámleketimizde jas áwlad tálim-tárbiyası hámde salamat, jetik insanlar bolıp jetilisiwi ushın múnásip shárt-shárayatlar jaratıp berilip atırǵanın aytıp ótdi. Xalıq arasında salamat turmıs tárizin úgit-násiyatlawda, perzentlerimizdi sportqa qızıqtırıp ósiriwde bul sıyaqlı ilajlar ómirimizde áhmiyeti orın tutatuǵınlıǵın aytıp ótti.

Ózbekstan kásiplik awqamları háreketiniń 120 jıllıǵına baǵıshlap ótkerilgen usı jarıs qatnasıwshılar kewilinde uzaq waqıt saqlanıp qaladı.

Ilaj sońǵında Ózbekstan kásiplik awqamları Federatsiyasining Qaraqalpaqstan Keńesi tárepinen jeńimpazlarǵa estelik sawǵalar tapsırıldı.