2025-jıldıń 16-aprel kúni taraw emlew profilaktika mákemeleri miyirbiykeleri arasında “Hamshira-2025” kórik-tańlawınıń Qaraqalpaqstan Respublikası basqıshı ótkerilip, onda kórik-tańlawdıń 1-basqıshınıń 1-orın jeńimpazları qatnastı.

Kórik-tańlawdıń juwmaǵı boyınsha 1-orındı Ámiwdárya rayonlıq medicina birlespesi miyirbiykesi M.Marksova, 2-orındı Shımbay rayonlıq medicina birlespesi miyirbiykesi M.Otebaeva hám 3-orındı Respublikalıq kóp tarmaqlı medicina orayı miyirbiykesi J.Joldasbaevalar iyeledi.

“Hamshira-2025” kórik-tańlawınıń Qaraqalpaqstan Respublikası basqıshınıń 1-,2-,3-orın jeńimpazları Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń birgeliktegi tiyisli dárejedegi diplomları hám bahalı sawǵaları menen sıylıqlandı.

Sonday-aq barlıq kórik-tańlaw qatnasıwshılarına Ózbekstan Hamshiralar Associaciyası Qaraqalpaqstan bólimi tárepinen bahalı sawǵalar tapsırıldı.