Ózbekstan Respublikası Prezidentining 2026-jıl 1-apreldegi PP-51-sanlı «Xalıq penen pikirlesio‘ sistemasın nátiyjeli shólkemlestirio‘ boyınsha qosımsha ilajlar haqqında»g’ı Pármanına muo‘apıq xalıq penen ashıq hám nátiyjeli pikirlesio‘di támiyinleo‘, múrájatlardı kórip shıg’ıo‘ sapasın arttırıo‘, xalıqtı qıynap kiyatırg’an mashqalalardı tikkeley úyrenio‘, olardıng kelip shıg’ıo‘ sebeplerin tallao‘, sistemalı mashqalalardı anıqlao‘ hám saplastırıo‘ boyınsha tiykarg’ı o‘azıypalar belgilendi.

Bul o‘azıypalardıng orınlanıo‘ın támiyinleo‘, kásiplik ao‘qamı ag’zalarınıng miynet huqıqların qorg’ao‘ nátiyjeliligin arttırıo‘, xızmetkerlerding miynet qatnasıqlarında ushırasıp atırg’an mashqalaların olardıng ózinen tikkeley tınglao‘ hám úyrenio‘, olarg’a maman huqıqıy másláhát berio‘ jáne ámeliyattag’ı sistemalı miynet mashqalaların anıqlao‘ maqsetinde Ózbekstan kásiplik ao‘qamları Federatsiyası juo‘apker xızmetkerlerining aymaqlarg’a shıg’ıo‘ı tiykarında «Miynet huqıqları boyınsha másláhát kúni» ilajların shólkemlestirio‘ rejelestirildi.

Usıg’an baylanıslı Nókis qalasında usı jıldıng 16-oktyabr kúni Berdaq atındag’ı Qaraqalpaq mámleketlik universitetining «Mádeniyat úyi»nde «Miynet huqıqları boyınsha másláhát kúni» ilajı bolıp ótti.

Onda Ózbekstan kásiplik ao‘qamları Federatsiyası baslıg’ınıng orınbasarı, Ózbekstan kásiplik ao‘qamları Federatsiyasınıng Qaraqalpaqstan Kengesining baslıg’ı U.A.Jalmenov, Federatsiyanıng yuridikalıq bólimining baslıg’ı X.R.Premkulov, Miynet inspektsiyasınıng fizikalıq hám yuridikalıq shaxslardıng múrájatları menen islesio‘ sektorınıng baslıg’ı G.Rzaeva hám tarmaq Qaraqalpaqstan Respublikası, qala hám rayonlar kengeslerining, baslang’ısh kásiplik ao‘qamları shólkemlerining baslıqları, kásiplik ao‘qamınıng belsendileri hám ag’zaları qatnastı.

Ushırasıwda tarmaqta miynet qatnasıqlarında ushırasıp atırǵan áhmiyetli máseleler hám kásiplik awqamı aǵzaların qıynap kiyatırǵan mashqalalar, miynet shártnamaların dúziw hám biykarlaw, miynet haqı hám basqa da tólemler, jumıs waqtı hám dem alıs waqtı, dem alıslar, intizamıy juwapkershilik, miynetti qorǵaw, kompensaciya hám kepillikler jáne basqa da miynet huqıqlarına baylanıslı máselelerge itibar qaratıldı.

Ilajda kásiplik awqamları aǵzalarına miynet qatnasıqlarında bildirilgen mashqalalardıń sebepleri hám olardı saplastırıw boyınsha másláhátler berildi.

Sonday-aq, kásiplik awqamları aǵzaları miynet qatnasıqlarına baylanıslı ózlerin qızıqtırǵan hám mashqalalı sorawlarǵa juwap aldı.