Usı jıldıń 3-4-aprel kúnleri Ózbekstan kásiplik awqamları Federaciyasınıń Qaraqalpaqstan Keńesi tiyisli juwapker qániygeler tárepinen Ellikqala rayonı tarawlıq keńesler hám baslanǵısh kásiplik awqamları shólkemlerge kásiplik awqam jumısların ustav talapları tiykarında alıp barıw boyınsha ámeliy járdemler kórsetildi.

Ámeliy járdem kórsetiw dawamında kásiplik awqam organlarında anıqlanǵan qáte-kemshiliklerdi saplastırıw boyınsha Keńes juwaplı xızmetkerleri tárepinen oqıw-seminar shólkemlestirildi. Oqıw-seminarda kásiplik aqwam organları jumısların shólkemlestiriwshilik tárepten bekkemlew, komitet jumıslarında hújjetlerdi rásmiylestiriw, jámáátlik shártnamalardı qabıl etiw, orınlanıwın qadaǵalaw, miynetti qorǵaw máseleleri, múrájáátler menen islesiw, mádeniy-aǵartıwshılıq hám sport ilajların shólkemlestiriw, kásiplik awqam byudjetiniń maqsetli sarıplanıwı haqqında túsinikler berildi.

Oqıw seminarda, Senator, Ózbekstan kásiplik awqamları Federaciyası baslıǵınıń orınbasarı, Qaraqalpaqstan Keńesi baslıǵı Jalmenov Ulıqbek Abılaevich, Ellikqala rayonı hákiminiń orınbasarı Radjabbaev Usmanbek Karamaddinovichler qatnastı.

Oqıw-seminar juwmaǵında qatnasıwshıları ózleriniń qızıqtırǵan sorawlarına juwaplar aldı.