Bıyıl 2025 jılda Ózbekstan kásiplik awqamları háreketine 120 jıl toladı. Sol múnásibet penen rayon(qala) hám shólkemlerde bayram sheńberindegi ilajlar, sonıń menen birge, tarawda kóp jıllardan beri islep atırǵan belsendiler menen ushırasıwlar ótkerilmekte.

Ózbekstan beteranlarınıń jámiyetlik xızmetin qollap-quwatlawshı “nuranıy” qorı Qaraqalpaqstan Respublikası bólimi nuranıylar qatnasıwında, sonıń menen birge, Shimboy rayonı 22-sanlı mektepte Ózbekstan bilimlendiriw hám ilim xızmetkerleri kásiplik awqamı Shimboy rayonı bólimshesi quramındaǵı bilimlendiriw mákemelerinde islep atırǵan kásiplik awqam aǵzaları qatnasıwında ótkerilgen ilajlar da áyne sol temaǵa baǵıshlandi.

Ilajda Ózbekstan mámleketlik mákemeleri hám jámiyetlik xizmet kórsetiw xızmetkerleri kásiplik awqamı Qaraqalpaqstan keńesi baslıǵı, Ózbekstan kásiplik awqamları Federatsiyasining Qaraqalpaqstan Keńesinen aymaqlarǵa biriktirilgen wákiller, baslanǵısh kásiplik awqam shólkemi aǵzaları, belsendiler hám nuranıylar qatnastı.

Sózge shıqqanlar sistemada ámelge asırılıp atırǵan jumıslar, atap aytqanda, xızmetkerlerdiń social-ekonomikalıq, olardıń huqıqıy máplerin qorǵaw boyınsha alıp barılǵan jumısları haqqında sóz júritilip, kásiplik awqamlarınıń iskerligine múnásip baxa berildi.

Kóterińki tárzde ótken ilaj juwmaǵında qatnasıwshılar óz sorawlarına basshılar tárepinen tolıq juwaplar aldı.