Prezidentimiz Shavkat Mirziyoev basshılıǵında 13-fevral kúni olimpiya hám paralimpiya háreketi, qánigelestirilgen hám ǵalabalıq sporttı jańa basqıshqa alıp shıǵıw hámde xalıqtıń fizikalıq belsendiligin asırıw is-ilajları haqqındaǵı videoselektor jıynalısında belgilengen wazıypalardı hámde 2025-jıl 18-fevral kúngi Ózbekstan suw sportı Federaciyasınıń gezektegi konferenciyasında bir qatar tapsırmalar belgilep berildi.

Sol wazıypa hám tapsırmalardıń orınlawın támiyinlew maqsetinde 2025-jıl 21-fevral kúni Ózbekstan suw sport Federaciyası Qaraqalpaqstan bóliminiń gezektegi jıynalısı bolıp ótti.

Májiliste Ózbekstan kásiplik awqamları Federaciyasınıń Qaraqalpaqstan Keńesi baslıǵı, Ózbekstan suw sport Federaciyası Qaraqalpaqstan bólimi baslıǵı, Qaraqalpaqstan Respublikası Joqarǵı Keńesi deputatı U.Jalmenov, Qaraqalpaqstan Respublikası Sport ministrligi wákili, Ózbekstan suw sport Federaciyası Qaraqalpaqstan bóliminiń atqarıwshı direktorı A.Qalilaev hám júziw boyınsha trener-ustazları qatnastı.

Ózbekstan suw sport Federaciyası Qaraqalpaqstan bólimi baslıǵı Qaraqalpaqstan Respublikası Joqarǵı Keńesi deputatı U.Jalmenov, Ózbekstan suw sport Federaciyası Qaraqalpaqstan bóliminiń búgingi kúnge shekem alıp barılǵan jumısları hámde júziw basseynleri halatları sonday-aq, suw sportı jarıslarına tayarlıq dárejelerin jánede asırıw, sportshılarımızdı jarıslarǵa alıp shıǵıw hám suw sportına jaslardı keńnen qamtıw máseleleri haqqında sóz júritti.

Ilaj dawamında Ózbekstan suw sport Federaciyası Qaraqalpaqstan bóliminiń jumısların shólkemlestiriw hám háreketleniw «Jol kartası»n islep shıǵıw boyınsha máseleler belgilep alındı.

Sonday-aq, júziw sport túri boyınsha ótkeriletuǵın chempionat kubok jarıslarına tayarlıq kóriw hámde jarıs nátiyjelerine juwapker etip Ózbekstan suw sport Federaciyası Qaraqalpaqstan bólimine Kudaybergenov Islam Nietbaevich Qaraqalpaqstan Respublikası boyınsha aǵa treneri hám jaslar treneri etip Matrzaev Javoxir Ǵayrat ulı saylandı.

Ilaj juwmaǵında qatnasıwshılardıń pikir usınısları tıńlandı hámde óz sorawlarına basshılar tárepinen tolıq juwaplar aldı.