Ózbekstan mámleketlik mákemeler hám jámiyetlik xızmet kórsetiw xızmetkerleri kásiplik awqamı Qaraqalpaqstan Keńesi tárepinen Qaraqalpaqstan Respublikasındaǵı barlıq bank xızmetkerleri arasında sporttıń kishi futbol túri boyınsha jarıs ótkerildi. Jarısta jámi 117 xızmetker qatnastı.

Berdaq atındaǵı Qaraqalpaq mámleketlik universiteti sport zalında ótkerilgen jarıstıń final basqıshı nátiyjesi boyınsha, 1 orındı Oraylıq bank Qaraqalpaqstan Respublikası bas basqarması, 2 orındı Xamkorbank Qaraqalpaqstan Respublikası filiali, 3 orındı Kapital bank Qaraqalpaqstan Respublikası filiali xızmetkerleri iyeledi.

Sonıń menen birge, 4 baǵdar boyınsha hám oyınshılar anıqlandı, olardan «Eń jaqsı dárwazaban», «Eń jaqsı top urar», «Eń jaqsı oyınsha» hám «Eń jaqsı qorǵawshı» nominaciyaları boyınsha jeńimpazlar anıqlandı.

Jarısta jeńimpaz bolǵan hár bir oyınshı hám qatnasıwshılar Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi tárepinen diplom hám estelik sawǵalar menen sıylıqlandı.

Sıylıqlaw máresiminde Mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı R.Madreymov qatnastı.