Usı jıldıń 11-mart kúni «Ústirt QBB» juwapkershiligi sheklengen jámiyetinde 2021-jıl jámáátlik shártnamanıń orınlanıw juwmaqlarına baǵıshlanǵan ulıwma jıynalısı bolıp ótti.

Jıynalısta 2021-jılda jámáátlik shártnamanıń orınlanıwı boyınsha kárxana direktorı A.Seytmuratov, kásiplik awqamı komiteti baslıǵı U.Zivatdinov hám tekseriw komissiyasi aǵzası A.Ótebaevlardıń esabatları tıńlandı.

2021-jıl jaz máwsiminde kárxanada islewshi xızmetkerlerdiń 45 perzenti “Aq-keme” hám “Lochin” jazǵı dem-alıw lagerinde sawallandırıldı.

Sociallıq qamsızlandırıw qorı esabınan 6 islewshi xızmetkerge 7 mln. 477.2 mıń swmǵa xám kásiplik awqam byudjeti esabınan 11 islewshi xızmetkerler hám olardıń shańaraq aǵzaları 29 mln. 105 mıń swmǵa sanatoriylarda jeńillikli sawallandırıldı.

«Kasaba sayr» JShJ hám «Mavlyuda» jeke menshik turistlik firması menen birgelikde 2021-jıl dawamında 50 xızmetkerdiń Respublikamızdaǵı tarıyxıy qalalarına sonday-aq 130 xızmetkerlerdiń Qaraqalpaqstan Respublikasındaǵı dıqqatqa ılayıq orınlarına sayaxatları shólkemlestirildi hám bul maqsetler ushın kásiplik awqam komiteti tárepinen 105 mln. 544 mıń swm qarjı ajıratıldı.

Jıynalısta Ózbekstan kásiplik awqamları Federaciyasınıń Qaraqalpaqstan Keńesi baslıǵı orınbasarı M.Daniyarov sózge shıǵıp búgingi kúnde mámleketimizde alıp barılıp atırǵan sociallıq-ekonomikalıq reformalar, qabıl etilip atırǵan nızam hújjetleri hám mámleketlik baǵdarlamalardıń áhmiyeti, sonday-aq kásiplik awqamları tárepinen ámelge asırılǵan jumıslar hámde aldaǵı turǵan uazıypalar haqqında aytıp ótti.

Jıynalıs sońında jıynalıs qatnasıwshıları arasında óz-ara pikir almasıw, soraw-juwaplar, usınıslar hám sáwbetlesiwler bolıp ótti.