8-dekabr – Ózbekstan Respublikası Konstituciyası qabıl etilgen kún hám Bas Nızamımızdıń 33 jıllıǵına baǵıshlap orınlarda salamat turmıs tárizin úgit-násiyatlaytuǵın ǵalabalıq sport ilajlarına ayrıqsha itibar qaratılmaqta.

Mine usınday ilajlardan biri Nókis qalasında bolıp ótti. Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesiniń baslaması menen usı jıldıń 5-6-dekabr kúnleri Nókis qalasındaǵı 32-sanlı ulıwma orta bilim beriw mektebiniń sport bazasında sporttıń Shaxmat, Shashka, Stol tennisi, Darts túrlerinen sport jarısı shólkemlestirildi.

Bul jarısta qalalıq bólimshe quramındaǵı bilimlendiriw shólkemlerinde miynet etip atırǵan xızmetkerler óz-ara kúsh sınastı.

Qızǵın báseki hám óz-ara mawasasız gúresler astında ótken bellesiwler xızmetkerlerdiń sportqa bolǵan qızıǵıwshılıǵın jáne de arttırıp, olardıń jeńiske bolǵan umtılısı hám jámáátlik ruwxın bekkemledi. Barlıq qatnasıwshılar ózleriniń jeńisi ushın juwapkershilik penen háreket etti.

Jarıs juwmaǵında jeńimpaz bolǵan qatnasıwshılar Ózbekstan bilimlendiriw hám ilim xızmetkerleri kásiplik awqamı Nókis qalalıq bóliminiń keńesi tárepinen tayarlanǵan diplom hám estelik sawǵaları menen sıylıqlandı. Bul ilaj tek ǵana bayram sawǵası emes, al xızmetkerlerdiń salamatlıǵın bekkemlew jolındaǵı áhmiyetli qádem boldı.