Usı jıldıń 5-may kúni Qaraqalpaqstan Respublikası aymaqlıq balalar medicina reabilitaciya orayında Qaraqalpaqstan Respublikası densawlıqtı saqlaw ministrligi, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi hám Ózbekstan Hamshiralar Associaciyasınıń Qaraqalpaqstan Respublikası bólimi menen birgelikte «12-may Xalıq aralıq miyirbiykeler kúni»ne baǵıshlanǵan bayram ilajı ótkerildi.

Bayram ilajında tarawda jemisli miynet islep atırǵan, óz kásibiniń pidayıları bolǵan 5 orta buwın medicina xızmetkerine Ózbekstan densawlıqtı saqlaw xızmetkerleri kásiplik awqamı Respublikalıq Keńesi tárepinen tayarlanǵan Húrmet jarlıǵı hám de bahalı sawǵaları tapsırıldı..

Sonday-aq, bayram ilajında “12-may – “Xalıq aralıq miyirbiykeler kúni” bayramı múnásibeti menen orta medicina xızmetkerleri arasında ótkerilgen “Jıldıń eń jaqsı orta medicina hám farmacevtika xızmetkeri” kórik-tańlawınıń Respublika basqıshınıń  nominaciyalar boyınsha 1-orın jenimpazları Qaraqalpaqstan Respublikası densawlıqtı saqlaw ministrligi menen Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń birgeliktegi tiyisli dárejedegi diplom hám bahalı sawǵaları menen, sonıń menen qatar Respublika basqıshınıń  nominaciyalar boyınsha 2-3-orın jeńimpazları Ózbekstan Hamshiralar Assosaciyasınıń Qaraqalpaqstan Respublikası bólimi tárepinen diplom hám bahalı sawǵaları menen sıylıqlandı.