Ózbekstan Respublikası Prezidentiniń 2022-jıl 28-yanvardaǵı PF-60-sanlı Pármanı menen tastıyıqlanǵan «2022-2026-jıllarǵa mólsherlengen Jańa Ózbekstannıń rawajlanıw strategiyası» nıń 67-maqsetinde belgilengen wazıypalardı ámelge asırıw, fizikalıq tárbiya hám sport penen turaqlı shuǵıllanatuǵın puqaralardıń sanın asırıw, bilim beriw shólkemleri xızmetkerlerin sport ilajlarına keń qamtıw, olar arasında jarıslar shólkemlestiriw, sport infrastrukturasın jaqsılaw hám zárúr sport inventarları menen támiyinlew, oqıtıwshılardıń fizikalıq belsendilik dárejesin asırıw, bilim beriw shólkemlerindegi sport sekciyaları hám dógerekler jumısların rawajlandırıwǵa kómeklesiw, oqıtıwshılardıń bos waqıtlarında sport penen shuǵıllanıwları ushın qolaylı sharayatlar jaratıw maqsetinde Ózbekstan kásiplik awqamları Federaciyasınıń Qaraqalpaqstan Keńesi Atqarıw komiteti, Qaraqalpaqstan Respublikasi mektepke shekemgi hám mektep bilimlendiriw ministrligi, Qaraqalpaqstan Respublikası Sport ministrligi hám Ózbekstan jaslar isler agentligi Qaraqalpaqstan Respublikası basqarmasinıń qospa qararın basshılıqqa alıw hám orınlanıwın támiyinlew maqsetinde Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi Atqarıw komiteti, Nókis qalalıq mektepke shekemgi hám mektep bilimlendiriw bólimi, Nókis qalalıq 1-sanlı sport mektebi, Jaslar isleri agentligi Nókis qalalıq bólimi qospa qararı menen «Salamat denede-sıpatlı bilim» súreni astında Kásiplik awqamları kubogı ushın Nókis qalasındaǵı ulıwma orta bilim beriw mákeme(mektep)leri ortasında sporttıń kishi futbol, voleybol, stol tennisi, shaxmat, shashka túrlerinen jarısları 1-sektor 38-mektep, 2-sektor 21-mektep, 3-sektor 32-mektep, 4-sektor 6-mekteplerde ótkiziliwi rejelestirilgen.

Usı jıldıń 10-aprel kúni sporttıń shaxmat, shashka hám stol tennis túrlerinen sport jarısları ótkerildi. Jarıs juwmaǵında eń epshil hám shaqqan háreket etken sportshılar joqarı orınlardı alıwǵa eristi. Hár bir sektordan joqarı nátiyje kórsetip 1-orındı iyelegen qatnasıwshılar jarıstıń qalalıq 2-basqıshına jollamanı qolǵa kirgizdi. Bes baslama olimpidası boyınsha jarıstıń qalǵan túrlerinen sport jarısları keyingi kúnlerde reje tiykarında dawam ettiriledi.